John Rapley
El Vikipedio
John Rapley (naskita la 19-an de junio 1927, mortinta la 9-an de junio 2007) estis brita esperantisto ekde 1944. Li fariĝis UEA-oficisto en 1951 kaj estis direktoro (sekretario) en 1954/1955, lasta direktoro de la Centra Oficejo dum ties tempo en Heronsgate.
Post longa paŭzo Rapley laboris ankaŭ en la Roterdama Centra Oficejo de UEA kiel librotenisto en du periodoj, 1983-1986 kaj 1990-1992. Vivante ankoraŭ en Londono li aktivis en la Londona Esperanto-Klubo, kies honora vicprezidanto li fariĝis, kaj kiel peranto de SAT. Laste Rapley kaj lia edzino Helga vivis en Francio, i.a. kelkajn jarojn en la Kvinpetalo.
