Jonatan Polak

El Vikipedio, la libera enciklopedio
Saltu al: navigado, serĉo
Pollak.jpg

Jonatan POLAK (hebree: יונתן פולק, angle: Jonathan Pollak) (naskiĝis 1982) estas israela anarkiisto kaj grafika fasonisto, kiu estis inter la fondintoj de la radikala israela grupo Anarchists Against the Wall, (Anarkiistoj Kontraŭ la Muro), kiu estas unu el la plej aktivaj grupoj de la israela radikala Maldekstro.

Frua vivo[redakti | redakti fonton]

Jonatan Polak kreskiĝis en Tel Aviv kaj loĝas en Jafo. Li estas la filo de konata aktoro Yossi Polak kaj la frato de kaj televida aktoro Avŝalom Polak kaj filmreĝisoro Ŝai Karmeli Polak. Jonatan mallonge aperas en filmo de sia frato Ŝai Bil'in Habibti (Bil'in Mia Kara), kiu gajnis la Premion Wolgin ĉe la Jerusalema Filma Festivalo. La filmo temas pri la historio de la lukto kontraŭ la Muro en la urbeto Bil'in.

Manifestaciado kontraŭ la Cisjordana Muro[redakti | redakti fonton]

Antaŭ ol la kreo de Anarchists Against the Wall, Polak loĝis en domokupado-komunumo en Amsterdam kaj partoprenis en fojfoje sovaĝaj manifestacioj kontraŭ tutmondiĝo kaj kontraŭ la nederlanda Reĝa Familio – kiu fine rezultis en lia aresto kaj deporto el Nederlando. Post lia reveno al Israelo, li tre okupiĝis pri solidaraj agadoj kun palestinaj urbetoj, premitaj de la registaro de Ŝaron por klopodi neniigi la Duan Intifadon.

Polak ĉeestis pli ol 300 manifestaciojn dum la lastaj jaroj kaj aperas ĉe la israelaj komunikiloj sufiĉe ofte. Multaj homoj konsideras lin, kiel la israela estro de la lukto kontraŭ la muro, tamen, kiel anarkiisto li malakceptas tiun priskribon. La politika vidpunkto de la anarkiistoj en Israelo estas tre polemika tie kaj pro la konateco de Polak, li persone ricevas akran kritikon.

Polak vundiĝis plurfoje, inkluzive de kapvundo je la 3a de aprilo de 2005. Israela soldato pafis skatolon de larmiga gaso per M-16, de distanco de proksimume tridek metroj ĉe manifestacio kontraŭ la Muro en la Cisjordana urbeto Bil'in. Rezulte, li havis du internajn cerbajn hemoragiojn kaj vundon, kiu bezonis 23 kudrerojn. Polak arestiĝis dekojn da fojoj kaj konviktiĝis kune kun 10 aliuloj pro blokado de strato antaŭ la israela Ministerio pri Defendo en Tel Aviv je la tago, kiam la Internacia Kortumo de Justico en La Hago komencis juĝi la leĝecon de la Muro, (kiun ili fine deklaris kontraŭleĝa). Li ankaŭ estis senkulpigita de la akuzaĵo de tumultado kune kun alia AAW-aktivisto, Kobi Snitz, post ili ambaŭ arestiĝis ĉe manifestacio en la urbeto Budrus. En 2005, Polak turneis en Usono kun Ayed Morrar, palestina organizisto de la Cisjordana urbeto Budrus, por allogi financadon por la Internacia Solidara Movado (ISM).

En julio 2009, Polak atestis al la Misio por Konstati Faktojn de la Unuiĝintaj Nacioj pri la Konflikto en Gaza, ankaŭ konata kiel la Raporto-Goldstone, gvidita de Juĝisto Richard Goldstone. Polak, kune kun palestinano de la urbeto Ni'lin en Cisjordanio, parolis al la Misio pri la mortigado de Arafat kaj Mohamed Kĥaŭaĵa, kiun ili spektis dum manifestacio de palestinanoj, israelanoj kaj ISM-aktivistoj en Ni'lin kontraŭ la israela atako sur Gaza je la 28a de decembro de 2008.

Je la 28a de decembro de 2010, kortumo kondamnis Polak al tri monatoj de malliberigo kaj monpuno de 1.500 NIS pro partoprenado en Sojla Maso-biciklo-manifestacio kontraŭ la blokado de Gaza en Tel Aviv en januaro de 2008. Li estis la nura homo kondamnita, malgraŭ 30 manifestantoj arestiĝis je la sama okazaĵo. Je la juĝado, Polak notis ke li estis kondamnita al nur tri monatoj de malliberigo dum palestinaj neperfortaj aktivistoj ofte estas en malliberejo dum jaroj, eĉ sen juĝado.