Josef Hader
| Josef Hader | |
|---|---|
| |
| Persona informo | |
| Naskiĝo | 14-an de februaro 1962 (62-jaraĝa) en Waldhausen im Strudengau |
| Lingvoj | germana |
| Ŝtataneco | Aŭstrio |
| Alma mater | Stiftsgymnasium Melk |
| Parencoj | Josef Hader |
| Okupo | |
| Okupo | aktoro • scenaristo • filmaktoro • filmreĝisoro • televida aktoro |
Josef HADER (naskita la 14-an de februaro 1962 en Waldhausen im Strudengau, Supra Aŭstrio) estas aŭstra komikulo, aktoro, kaj verkisto.
Vivo[redakti | redakti fonton]
Post pasigo de la junulaj jaroj en Nöchling li frekventis la eklezian gimnazion de Melk. Post lia civila servo ĉe la Ruĝa Kruco li komencis studi la germanan kaj historion.
Kiel studento li komencis labori pri sia unua komedio programo Fort Geschritten. Lia dua programo Der Witzableiter'und das Feuer gajnis la prestiĝan premion Salzburger Stier. Post interrompado de lia studo kaj skribado de Biagn und Brechen (1988) kaj Bunter Abend (1990) li festis sian sukceson kun la tragikkomika teatraĵo Indien, kiu estis filmita fare de Paul Harather en 1993 kun Josef Hader mem en la ĉefrolo.
Kun la filmo Indien kaj liaj sekvaj spektakloj Im Keller (1993) kaj Privat (1994) li iĝis unu el la plej sukcesaj kaj plej respektataj komikuloj en la germanlingva mondo. Lia komediprogramo Privat estas la plej sukcesa komedio en aŭstra historio. Lia plej lastatempa spektaklo nomita "Hader muß weg" estas pli agado ol komedio. Hader ludas sep malsamajn rolojn utiligante neniujn teatrorekvizitojn krom simpla trenĉo kaj agas nur tra gestoj, voĉo kaj mimiko.
Ekde tiam, Hader ĉefrolis en komerce sukcesaj filmoj kiel ekzemple Komm, süßer Tod (2000), Silentium (2004) kaj Der Knochenmann (2009). Li ankaŭ akiris kritikistan aplaŭdon por siaj prezentoj en dramoj kiel ekzemple Der Überfall (2000) aŭ Ein halbes Leben (2008).
Premioj kaj surtelevidekrana aperado[redakti | redakti fonton]
Inter aliaj premioj, li ricevis la Bronze Leopard Award ĉe la Internacia Filmfestivalo en Locarno, la Romy-premion, la Adolf-Grimme-premion kaj la Germana Televido-Premion.
Li estas regula gasto sur diversa germanaj komediaj serioj, kiel ekzemple Neues aus der Anstalt sur ZDF, Scheibenwischer sur Das Erste, Quatsch Comedy Club aŭ Ottis Schlachthof de Ottfried Fischer. Tio ege pliigis lian popularecon en Germanio.
Hader estas la patro de du filoj.