Joseph Merklin
| Joseph Merklin | |
|---|---|
| Persona informo | |
| Naskiĝo | 17-an de februaro 1819 en Rheinhausen |
| Morto | 10-an de julio 1905 (86-jaraĝa) en Nancio |
| Tombo | Cimetière de Préville |
| Lingvoj | franca • germana |
| Ŝtataneco | Grandduklando Badeno • Francio |
| Okupo | |
| Okupo | orgenkonstruo |
Joseph Merklin (* 17-a de januaro 1819 en Oberhausen (Oberhausen-Rheinhausen), distrikto Karlsruhe — † 10-a de junio 1905 en Nancy) estis germana orgenkonstruisto, kiu tamen ankaŭ aktivis en Belgio kaj Francio.
Li lernoservis ĉe Eberhard Friedrich Walcker, antaŭ ol li en Linnich ĉe Akeno laboris ĉe la orgenkonstruisto Wilhelm Korfmacher, konata pro siaj romantikaj orgenoj. Tiutempe (1840-aj jaroj) li jam ekaktivis en Belgio, partoprenante la konstruadon de du orgenoj en Stavelot kaj Namur.
Ekde 1850 ĝis 1870 li vivis en Bruselo kaj tie estris sian propran metiejon. Ekde 1870 li unue loĝis en Parizo kaj poste iris al Lyon, kie li ekkunlaboris kun la orgenkonstruisto Théophile Kuhn (ekster la svisa orgenkonstruista familio Kuhn). Fine de la jarcento la firmao nomiĝis Michel, Merklin & Kuhn. Iom post iom li evoluis kiel forta konkurento por Aristide Cavaillé-Coll.
Lin sukcedis liaj idoj Gustav Merklin (aktivis ekde 1865), August Merklin kaj Fridolin Merklin.
Dokumentitaj konstruaĵoj (elektitaj):
- 1850: Parizo (preĝejo Jean Baptiste de Salle)
- 1856: Parizo (Preĝejo Saint-Eugène – Sainte-Cécile) (kune kun Friedrich Schütze)
- 1857: Oplinter
- 1860: Dijon (Kathedrale St. Bénigne, Reparatur)
- 1862: Bazelo (Elizabeta preĝejo – II/29)
- 1868: Bruselo (St. Bonifatius)
- 1869: Parizo (orgeno por la internacia ekspozicio, kiun en 1875 aĉetis la episkopo de Perigeux por la tiea katedralo Saint-Front)
- 1876: Clermont-Ferrand
- 1877: Strasburgo, Temple Neuf
- 1878: Katedralo de Straßburg (ĥororgenol) & Aubenas (preĝejo St. Laurent, ekde 1987 en la preĝejo St. Paul, Minnesota).
- 1880: Moulins (katedralo de Moulins)
- 1882: Obernai (Sts Pierre et Paul III/43)
- 1890: Villefranche sur Saône