Junula herotenoro

Sub la esprimo junula herotenoro oni komprenas apartan voĉfakon de la tenoro, kiu povas interpreti kaj lirikajn kaj dramajn partiojn. Per tio ĝi situas inter la lirika tenoro kaj la herotenoro.

Faklingve oni nomas junulan herotenoron kiel tenore lirico por la prefere malpezaj kaj tenore lirico spinto por la pli dramaj partioj.

Rolekzemploj por junula herotenoro

• Don José en Georges Bizet "Carmen"
• Radames en Giuseppe Verdi "Aida"
• Titolrolo en G. Verdi "Don Carlos"
• Princo Andreij Ĥovanskij en Modest Petroviĉ Musorgskij "Ĥovanŝĉina" (Хованщина)
• Aĥilo en Christoph Willibald von Gluck "Iphigénie en Aulide" ("Ifigenio en Aŭlido", laŭ la antikva tragedio de Eŭripido)

Famaj kantistoj de la fako „junula herotenoro“ ekzemple estas Placido Domingo, Luciano Pavarotti aŭ José Carreras.

La voĉamplekso de la „junula herotenoro“ etendiĝas proksimume de c al a'. Por pli altaj sonoj la kantisto falsetas.