János Bihari

János BIHARI [jAnoŝ], hungare Bihari János, Esperante Johano Bihari estis hungara komponisto kaj violonisto.

János Bihari naskiĝis la 21-an de oktobro 1764 en Hungara reĝlando, en Nagyabony (nuntempa Veľké Blahovo en Slovakio), li mortis la 26-an de aprilo 1827 en Pest (urbo).

Biografio[redakti | redakti fonton]

János Bihari devenis el cigana familio, ankaŭ lia patro estis violonisto. Li fondis muzikan grupon en 1801 en Peŝto, poste ili muzikadis ankaŭ en aliaj urboj. Laŭ supozoj en Vieno li konatiĝis kun Ludwig van Beethoven. En 1818 li renkontiĝis kun mecenato en Veszprém. En 1822 Franz Liszt aŭdis kaj alte aprezis muzikludon de Bihari. En 1824 Bihari suferis akcidenton, sekve lia brako rompiĝis, poste li ne povis bele violonadi. Li mortis tute sola.