Károly Bicskey

Károly BICSKEY [kAroj biĉkei], hungare Bicskey Károly, Esperante Karolo Bicskey estis hungara aktoro kaj reĝisoro.

Károly Bicskey naskiĝis la 29-an de januaro 1920 en Budapeŝto - mortis la 25-an de oktobro 2009 supozeble en Tahitótfalu.

Biografio

Károly Bicskey finlernis aktoran ĉeflernejon en Budapeŝto en 1943 kaj en la sama jaro li aliĝis al trupo de Nacia Teatro (Budapeŝto). Poste li ofte ŝanĝis la teatrojn, ekzemple li estis ano en Nacia Teatro (Pécs), Nacia Teatro (Miskolc), Teatro de Kecskemét, Nacia Teatro (Szeged) Nacia Teatro (Győr). Li ricevis premion en 1955.

Liaj roloj (selekto)

• 13 filmoj inter 1948-1995, ekzemple En Eŭropo ie, 1948; La atestanto, 1969; Megint tanú (Denove atestanto), 1995
• 13 televiziaj filmoj (ankaŭ serioj) inter 1967-1994, ekzemple Tizennégy vértanú (Dek kvar martiroj), 1970; Szomszédok (Najbaroj), 1992
• diversaj teatraj roloj, ekzemple Imre Madách: Az ember tragédiája (La tragedio de l' homo) - Ádám, Lucifer; William Shakespeare: Othello - titolrolo; Machbeth titolrolo, Romeo kaj Julieta - Capulet; József Katona: Bánk bán (Banuso Bánk) - banuso Petur kaj Otto; Rostand: Cyrano de Bergerac - titolrolo
• 18 reĝisoradoj

Fontoj

• Hungara Vikipedio