Kaŭterizo
Kaŭterizo (aŭ kaŭterado) estas medicina tekniko bazita sur la uzo de varmo aŭ kemiaĵo por detrui nenormalan histon (tumoron) aŭ obturi sangajn vaskulojn en kazo, inter alia, de kronika epistakso.
Termokaŭterizo
Varmo estas plej uzata, kaj de pratempo. Ĝi kaj haltigas la hemoragiojn kaj preventas la infektojn.
La kauterizo estas ĝenerale farita per kaŭtero, (aŭ kaŭterizilo) kies ĉefa parto estas platena drato aŭ plato varmigita per flamo, aŭ rezistanco varmigata per elektra kurento. Elekra kaŭtero estas nomata elektrokaŭtero aŭ galvanokaŭtero.
Kemia kaŭterizo
Kaŭstikaĵoj povas detrui la histojn; pli uzataj estas
- Argenta nitrato (AgNO3) sub nomo Lapis infernalis (infera ŝtono),
- Trikloroaceta acido ,
- Kantaridino: veneno de kantarido (Lytta vesicatoria), efika kontraŭ verukoj.
La kemia kaŭterizo estas nun malmulte uzata, ĉar ĝi havas la maloportunaĵo, ke la kaŭstika substanco povas lezi la ĉirkaŭajn histojn.
Frosta kaŭterizo
Likva azoto (-195,79 °C) « brulas » la histojn kiel varmo. (Frostiĝo). Tiu terapio, nomata krioterapio efikas kontraŭ verukoj kaj aliaj hautaj tumoretoj.
Aliaj kaŭterizaj metodoj
Oni ankaŭ povas uzi:
