Karas-regiono

Karaso
Origina nomo	Karas
Lando	Namibio
Estas parto de	Namibio
Inkludas	6 balotdistriktoj
Administra centro	Keetmanshoop
La plej granda urbo	Lüderitz
Fondo-dato	21-a de marto 1990
Estro	Dawid Boois, (SWAPO)
Oficialaj lingvoj	afrikansa, nama, oŝivamba
Loĝantaro (laŭ la stato de 2001)	61.162
Loĝdenso	0,37 hom./km²
Areo	161 324(dezt.: ~ 120.000) km²
Alto super la marnivelo; - La plej alta punkto	; 2.202 (Schroffenstein) m.
	; La Karaso sur la mapo de Namibio
Hor-zono	UTC+1
ISO 3166-2	NA-KA
	La oficiala paĝaro
La kategorio en la Komunejo	Karas
lasta baloto	30-a de novembro 2004
v • d • r

Ĉi tiu artikolo temas pri la namibia regiono Karaso. Por aliaj signifoj vidu la paĝon Karas (apartigilo).

Koordinatoj mankas! Bonvolu kunhelpi.

Karas-regiono (Karaso) estas la plej suda el la 13 regionoj de Namibio, kaj krome la plej granda kaj la plej maldense loĝata. La administra centro estas Keetmanshoop, la plej granda Lüderitz.

La nomo devenas de karas, kiu estas en la nama vorto por la Saguja arbo (Aloe dichotoma), tipa por la regiono.

Tipaj turismaj vidindaĵoj estas la fantoma urbo Kolmanskuppe, la Fiŝrivera kanjono kaj la bieno kaj naturmonumento Gariganus.

Geografio [redakti]

→ Vidu ankaŭ: Geografio de Namibio

Satelita bildo de Fiŝrivera kanjono

Karaso etendiĝas trans la tuta sudo de Namibio, ĝi limas al la najbara enlanda provinco Hardapo (norde), al la Atlantiko (okcidente), al Sudafriko (sude, limo: Oranje-rivero) kaj al Botsvano (oriente).

En sia okcidenta parto ĝi tuŝas la sudan Atlantikon kaj la borda strio estas dominata de „Sperrgebiet“, forbarita diamantejo. En ties vastaj ebenaĵoj kaj dezertaj altebenaĵoj elstaras unuopaj kaj kelkopaj montoj kiel Dikwillem kaj Klinghardtmontoj. Antaŭ la marbordo troviĝas la deko da insuletoj de Pingveninsularo.

Oriente de Sperrgebiet troviĝas la montoj de la Granda ŝtupejo, interalie la Tirasmontoj kaj Hunsmontoj. La Fiŝrivera kanjono en Hunsmontoj estas la dua plej granda kanjono de la mondo kaj nacia monumento de Namibio.

La orienta duono de Karas estas granda baseno kun unuopaj montoj, ekzemple Brukkaros. Parto de Kalaharo-dezerto apartenas al Karas. Sudoriente dominas la Karasmontoj, plej altas monto Schroffenstein (2202 m).

Oranje-rivero estas la tuta suda bordo de Karas, natura limo al Sudafriko.

Karas havas eksterordinaran geologion, kun diamant- kaj mineral-minejoj en Oranjemund kaj Rosh Pinah, krome varmegajn fontojn en Warmbad kaj Ai-Ais.

Administra strukturo [redakti]

Karas havas ses balotdistriktojn kun entute 69.677 loĝantoj.

Balotdistrikto Berseba kun 9.195 loĝantoj
en vilaĝoj Berseba, Tses, Helmeringhausen, Goageb, Bethanien

Balotdistrikto Karasburg kun 14.693 loĝantoj
en urbo Karasburg kaj vilaĝoj Ariamsvlei, Grünau, Noordoewer, Warmbad

Balotdistrikto Keetmanshoop Kampara kun 6.349 loĝantoj
en vilaĝoj Aroab, Koës, Narubis, Seeheim

Balotdistrikto Keetmanshoop Urba kun 14.945 loĝantoj
en urbo Keetmanshoop

Balotdistrikto Lüderitz kun 13.276 loĝantoj
en urbo Lüderitz kaj vilaĝo Aus

Balotdistrikto Oranjemund kun 5.451 loĝantoj
en urboj Oranjemund, Rosh Pinah kaj vilaĝoj Ai-Ais, Witputz

Ekonomio [redakti]

Fish River Canyon

Karaso posedas bonan infrastrukturon kaj diversecan ekonomion. La haveno de Lüderitz estas la centro de fiŝkapta kaj de ŝipkonstrua industrio, Oranjemund la centro de diamantoj kaj la enlandaj distriktoj posedas fruktodonan agrikulturon, ĉefe en malgrandaj bienoj.

Malgrandaj flughavenoj ekzistas en Keetmanshoop, Lüderitz kaj Oranjemund. Keetmanshoop estas bone ligita al la nacia ŝosea reto. Oni planas, plibonigi la fervojan ligon inter Lüderitz kaj Keetmanshoop por varotransportoj.

Turismo havas potencialon plivastiĝi. Vidindas la fantomurbo Kolmanskuppe, la Fiŝrivera kanjono kaj farmbieno Gariganus, kiu en 1955 estis deklarita kiel naturmonumento.