Karolo Piĉ

Tombo de Karolo Piĉ sur la Litomiŝla tombejo

Karel PÍČ (naskiĝis la 6-an de decembro 1920 en Litomyšl, mortis la 15-an de aŭgusto 1995), kromnome Karolo PIĈ, estis ĉeĥa esperantisto, oficisto, estis membro de Akademio de Esperanto, rekonata poeto, verkisto kaj tradukisto. Esperantistiĝis en 1926. Li verkis multajn originalajn poemojn. Lia lingvaĵo estas eksperimentece nekutima, eĉ propra (nefundamenta) varianto de Esperanto, ia Piĉido.

Post sia morto, Karolo Piĉ estis entombigita en la litomiŝla tombejo (49°52.117′N 16°19.011′E), kiun li antaŭe mem famigis inter esperantistoj per sia romano "(La) Litomiŝla tombejo". Lia tombo tie portas la numeron 137/IV.

Du jarojn post lia morto, t.e. en 1997, estis eldonita lia romano Ordeno de verkistoj.

Verkoj

• La Litomiŝla Tombejo (romano)
• La Bermuda triangulo (rakontaro)
• La mortsonorilo de Chamblay
• Klaĉejo (romano)
• Angoro (poemaro)
• Obsedo
• Ordeno de verkistoj (romano)
• La interna vivo de Esperanto (eseoj)
• Naturalismo kaj skemismo
• Urbi et orbi
• Perspektivoj de la Ilustralo
• Kritiko kaj recenzistiko en Esperanto

Laŭ informoj el la 1950-aj jaroj, la poeto posedis manuskriptajn poemarojn

• Ekkrioj de Georgino
• Fabeloj el Transe
• La Davida Harpo
• Aboco
• Demandoj kaj problemoj
• La granda Superstiĉo
• Ĝardeno de Alaho
• Mistero de Tri Unuoj

Informo pri la manuskriptoj de K. Piĉ estas trovebla en

• Vlastimil Novobilský: Skizo pri la Esperanta literaturo, p. 57, eldonis Esperanto-junularo ĉe Domo de Kulturo en Opava (1956)
• S. Kamarýt: Historio de La Esperanto-movado en Ĉeĥoslovakio, p. 111, ĈEA 1982
• Alfonso Pechan: Gvidlibro por supera ekzameno, p. 155, Budapest 1966

Aliaj aŭtoroj pri li

• "Prefere karoli piĉe ol paroli kiĉe", Jorge Camacho

Eksteraj ligiloj

• Indekso de Piĉ'aĵoj haveblaj en la reto ĉe Don Harlow
• Paĝo pri Piĉ kun recenzoj de pluraj liaj verkoj
• Recenzo de La Litomiŝla Tombejo de Don Harlow
• Verkoj de kaj pri Karolo Piĉ en la Kolekto por Planlingvoj kaj Esperantomuzeo
• Libroj de Karolo Piĉ ĉe UEA en Roterdamo
• Verkoj de Karolo Piĉ en Aŭstria Nacia Biblioteko en Vieno
• Verkoj de Karolo Piĉ en Germana Nacia Biblioteko en Leipzig
• Karolo Piĉ en la retejo de esperantistaj verkistoj
• Retejo pri Karel Píč
• Josip Pleadin: Ordeno de Verda Plumo (Leksikono de 450 esperantlingvaj aŭtoroj,, K. Píč sur p. 185)