Kartvela Soveta Socialisma Respubliko
.svg)
La Kartvela Soveta Socialisma Respubliko (kartvele საქართველოს საბჭოთა სოციალისტური რესპუბლიკა, Sak'art'velos Sabĉota Soc'ialisturi Respublika) estis la nomo kiun ricevis Kartvelio kiam ĝi estis aneksita al Sovetio, ekde 1936 ĝis 1991. Ĝia nomo en la rusa estis Грузинская ССР (Gruzinskaja SSR). Ĝi komencis ekzisti kiel Soveta Socialisma Respubliko la 25-an de februaro 1921. Ekde la 12-a de marto 1922 ĝis la 5-a de decembro 1936 apartenis al la Transkaŭkaza Federacia Soveta Socialisma Respubliko kune kun la SSR de Armenio kaj la SSR de Azerbajĝano. La 5-a de novembro 1990 ĝi estis renomata kiel Kartvela Respubliko. Ĝi restis en Sovetio plian duonjaron ĝis atingi la sendependiĝon.
Kartvelio estis perforte aneksita al la FSSR de Transkaŭkazio kiu inkluzivis Armenion, Kartvelion kaj Azerbajĝanon. La soveta registaro devigis al Kartvelio cedi plurajn historiajn kartvelajn provincojn al Turkio (la provinco Tao-Klarjeti, al Azerbajĝano, la provinco Ereti, kaj Saingilo, al Armenio (la regiono Lori) kaj al Rusio parton de la marbordo de la Nigra Maro. La rusa mandato estis tre akra post la fino de la enlanda milito: La sovetoj ekzekutis ĉ. 50.000 personojn inter 1921 - 1924, pli ol 150.000 estis purigitaj sub la regado de Stalino kaj ĝia sekreta superulo de la kartvela polico, Lavrenty Beria inter 1935 – 1938, 1942 kaj 1945 - 1951. En 1936 la FSSR de Transkaŭkazio estis disigita kaj Kartvelio konvertiĝis en la Kartvela Soveta Socialisma Respubliko.
