Katalin Hetey

Katalin Hetey [hetei], hungare Hetey Katalin estis hungara grafikisto, pentristo, skulptisto kaj instruisto.

Katalin Hetey naskiĝis la 2-an de aŭgusto 1924 en Miskolc. Ŝi mortis la 25-an de aprilo 2010 en Budapeŝto.

Biografio

Katalin Hetey frekventis Belartan Ĉeflernejon en Budapeŝto inter 1942-1947, kie ŝi lernis precipe de István Szőnyi. Poste ŝi instruis en belarta gimnazio ĝis 1956. En 1957 ŝi studvojaĝis en Italio, poste ŝi vivis jam en Parizo. En 1963 ŝi pentradis en Kalifornio helpe de stipendio. En 1970 ŝi prenis ankaŭ la francan ŝtatanecon kaj ŝi okupiĝis precipe kun skulptaĵoj. En la sekva jardeko ŝi ofte vizitis Hungarion. Kun ŝia edzo Tamás Konok ŝi ekspoziciadis kune tutmonde. Ŝi ricevis premion Kossuth en 2009, pli frue ankaŭ alian premion.

Ŝiaj solaj ekspozicioj (elekto)

• 1962 Parizo
• 1963 Vaŝingtono, Los Angeles
• 1968 Roterdamo
• 1978 Munkeno
• 1981 Budapeŝto, Munkeno
• 1991, 2005 Győr
• 2009 Budapeŝto

Ŝiaj grupaj ekspozicioj (elekto)

• 1964 Tokio
• 1979 Parizo
• 1982, 2003 Budapeŝto
• 2010 Debrecen

Ŝiaj verkoj estas troveblaj ekzemple en Parizo, La Chaux-de-Fonds, Budapeŝto, Hamburgo.

Fontoj

• Hungara Vikipedio