Katedralo de Anio

El Vikipedio, la libera enciklopedio
Saltu al: navigado, serĉo
The Cathedral of Ani.jpg

La Katedralo de Anio (armene: Սուրբ Աստուածածին Եկեղեցի aŭ katedralo de la Sankta Dipatrino); estas armena kirko konstruita en la jaro 1001 de la arkitekto Tiridato en la armena ĉefurbo Anio, nuntempe ruinigita urbo situanta en la ekstrema orienta parto de Turkio, ĉe la limo kun moderna Armenio. Ĝi donas ekzemplon de krucoforma kupolhava preĝejo ene de rektangula plano.

La Katolikosato estis translokigita al la Arkina distrikto, en la antaŭurboj de Anio, kaj en 990, la talenta arkitekto Tiridato kompletigis la konstruaĵon de la katolikosa palaco kaj la katedralo de Anio. Ĝi estis fondita sub la ordono de Smbat la 2-a kaj estis kompletigita sub la patroneco de la edzino de la reĝo Gagiko la 1-a, reĝino Katranida. La katedralo estis dediĉita al la Feliĉega Virgulino. Pro la alta artokunmetaĵo la katedralo de Anio iĝis unu el la arkitekturaj majstraĵoj de tuta Armenio.

Kelkaj eŭropaj historiistoj de arkitekturo kredas ke la volumkunmetaĵo de la internaj elementoj helpis influi la evoluon de eŭropa gotika arkitekturo en la 12-a - 14-a jarcentoj.