Kebekio
| Kebekio | ||
|---|---|---|
| Alternativa nomo | Québec / Quebec | |
   | ||
| Devizo: Je me souviens (franca: Mi memoras) | ||
| ||
| Oficialaj lingvoj | franca | |
| Floro | Blua flagirido | |
| Arbo | Alegana betulo | |
| Birdo | Nikteo | |
| Ĉefurbo | Kebeko | |
| Plej granda urbo | Montrealo | |
| Leŭtenanta Guberniestro | Pierre Duchesne | |
| Ĉefministro | Philippe Couillard | |
| Reprezentiĝo en la Parlamento - Deputitoj - Senatanoj |
75 24 | |
| Areo Tuto - Tero - Akvo (% de tuto) |
2-a rango 1.542.056 km² 1.183.128 km² 176.928 km² (11,5{%) | |
| Loĝantaro - Tuto (2007) - Loĝdenso |
2-a rango 7 700 807 4,90 po km² | |
| MEP (2005) - Tuto - Popersone |
$274,863 miliardoj (2-a) $36.175 (9-a) | |
| Aliĝo al Konfederacio | 1-a de julio 1867 (1-a) | |
| Tempozono | UTC -5, -4 | |
| Mallongigoj - Poŝta - ISO 3166-2 - Poŝtkoda(j) prefikso(j) |
QC CA-QC G, H kaj J | |
| Retejo | www.gouv.qc.ca | |
| Ĉiu rangigo inkluzivas la teritoriojn | ||
Kebekio (france Québec (elparolata: [kebɛk], angle Quebec (elparolata: [k(w)əˈbɛk]), populare "la belle province" (la bela provinco) estas la plej granda provinco de Kanado. Pli ol 5.700.000 kebekianoj parolas la francan kiel gepatran lingvon (kebekia dialekto), kaj en Kebekio, multe da anglalingvanoj ankaŭ uzas tiun lingvon.
La urbo plej granda de Kebekio estas Montrealo, unu de la plej gravaj urboj de la tuta Frankofonio. La ĉefurbo de Kebekio estas Kebeko. Ĉi tie Samuel de Champlain fondis francan kolonion en 1608. Ankaŭ ĉi tie, en septembro de 1759, en la Batalo de Kebeko, ĉe la Ebenaĵoj de Abraham, Wolfe kaj la britoj venkis Montkalmon kaj la francan armeon. Pro tio, en 1763, Francio perdis la Novan Francion, vastan teritorion, kiu inkludis la Grandajn Lagojn kaj la valon de la Rivero Ohio (nun en Usono).
En 1867, Kebekio fariĝis unu el la fondaj provincoj de la kanada konfederacio, kaj la kebekianoj konservis la rajton paroli la francan kaj praktiki la Katolikismon. Hodiaŭ, multaj kebekianoj deziras apartigi sin de Kanado por konservi sian kulturon kaj por plibonigi sian vivon. Bedaŭrinde, tiu etna fiero havas malbonan ekonomian efikon. Pro necerto pri la estonteco de Kebekio, multaj firmaoj (inkluzive la faman Bankon de Montrealo) simple forlasis Kebekion. Tamen, post la plej lastatempa referendumo pri suvereneco en 1995, la provinco ekrekreskis ekonomie per altteknologio kaj internacia komerco.
Regionoj
| Numero | Esperanta nomo | Franca nomo | Ĉefurbo |
|---|---|---|---|
| 1 | Suba Sankt-Laŭrencio | Bas-Saint-Laurent | Rimouski |
| 2 | Saganio–Sankt-Johan-Lagio | Saguenay–Lac-Saint-Jean | Saguenay |
| 3 | Kebek-regiono | Capitale-Nationale | Kebeko |
| 4 | Maŭricio | Mauricie | Tririvero |
| 5 | Estrio | Estrie | Ŝerbruko |
| 6 | Montreal-regiono | Montréal | Montrealo |
| 7 | Otavio | Outaouais | Gatineau |
| 8 | Abitibio-Temiskamingio | Abitibi-Témiscamingue | Rouyn-Noranda |
| 9 | Nord-Bordio | Côte-Nord | Baie-Comeau |
| 10 | Nord-Kebekio | Nord-du-Québec | Matagami, Nemiscau, Kuujjuaq |
| 11 | Gaspegio–Magdalena Insularo | Gaspésie–Îles-de-la-Madeleine | Gaspego |
| 12 | Ŝodierio-Apalaĉio | Chaudière-Appalaches | Montmagny |
| 13 | Lavalo | Laval | Lavalo |
| 14 | Lanodierio | Lanaudière | Joliette |
| 15 | Laŭrentidio | Laurentides | Saint-Jérôme |
| 16 | Montereĝio | Montérégie | Longejlo, McMasterville, Salaberry-de-Valleyfield |
| 17 | Centro-de-Kebekio | Centre-du-Québec | Drummondville |
Plej grandaj municipoj
| Municipo | 2001 | 1996 |
|---|---|---|
| Montrealo | 1 812 723 | 1 774 846 |
| Kebeko | 532 329 | 504 605 |
| Longejlo | 348 091 | 373 009 |
| Lavalo | 343 005 | 330 393 |
| Gatineau | 226 696 | 217 591 |
| Saguenay | 148 050 | 153 476 |
| Ŝerbruko | 146 689 | 135 501 |
| Tririvero | 122 395 | 124 417 |
| Lévis | 121 999 | 118 344 |
| Terrebonne | 80 531 | 75 110 |
Urboj
(Post urbaj kunigoj, 2002)
- Montrealo: 1 852 578 (3.544 685 kun ĉirc.)
- Kebeko, Aglomeraĵo Kebeko: 515 101 (734 583)
- Longejlo, Montereĝio: 387 848 h. (apud Montrealo)
- Lavalo: 359 165 h. (apud Montrealo)
- Gatineau, Otavio: 231 710 (265 107)
- Sherbrooke, Estrio: 142 774 (208 119)
- Tririvero, Maŭricio: 125 752 (158 073)
- Saganurbo, Saganio–Sankt-Johan-Lagio: 149 668 h. (157 375)
- Lévis, Ŝodierio-Apalaĉio: 126 245 (apud Kebeko)
- Terrebonne, Lanodierio: 85 008 (apud Montrealo)
- St-Jean-sur-Richelieu, Montereĝio: 82 061
- Repentigny, Lanodierio: 74 376 h. (apud Montrealo)
- Saint-Jérôme, Laŭrentidio: 61 315 h. (apud Montrealo)
Malgrandaj urboj
Unuaj Nacioj de Kebekio
Vidu ankaŭ
Eksteraj ligiloj
greke Agora: Francalingva reta ensiklopedio el Kebekio
Notu. Kelkaj nomas ĉi tiun provincon "Kebeko"; tamen, plej ofte ĉi tiu vorto referiĝas al la urbo Kebeko kiu estas la provinca ĉefurbo.
| ||||||||
