Keltoj

Reviziita versio de ĉi tiu paĝo, aprobita je 22 okt. 2013, estis bazita sur ĉi tiu versio.

Keltoj (el greka κελτοι (keltoj) unuafoje uzita de Hekateo el Mileto pr. 500 a.K., lat. celtae [keltaj] - la sama vorto per aliaj prononcoj donis ankaŭ galloj (= gaŭloj) kaj galatoj, du grandaj triboj keltaj) estas grupo de hindeŭropaj triboj. Ili vivis jam dum la 2-a jarmilo a.K. en okcidenta Eŭropo.

Historio

La Keltoj migris el la nuntempa germana teritorio al la supra parto de Rejno kaj Marne (8-a jc. a.K.) kaj tie evoluis el unu tribo la Gaŭloj (aŭ Galloj) (7-a jc. a.K.). Ili konkeris en la 5-4-aj jarcentoj a.K. la nuntempan Francion, Brition kaj nordan Italion, kaj prirabis Romon (387, 390 a.K.) kaj poste dum jardekoj danĝerigis la urbon.

Tiutempe ili ankaŭ invadis Hispanion, kie miksiĝante kun la loka ibera popolo evoluigis la keltiberan popolon. En la 3-a jarcento a.K. ili konkeris areon preter Danubo, poste parton de la Balkana Duoninsulo (Trakio, Makedonio). Eta grupo da keltoj eĉ atingis dum la konkeroj Anatolion kaj tie estigis la ŝtaton Galatia aŭ Galatio. Tie ili konstruis fortikaĵ-urbojn, havis florantan manindustrion (kulturo de La Tène).

Laŭ iu teorio, ĉefe bazita sur ligvistikaj datumoj, Keltoj en Italio disdividis kaj kreis du branĉojn, norde la italajn keltojn (gallos) kaj la osko-umbrojn kaj latinojn sude, tre influitajn de etruskoj kaj grekoj.

Keltoj estis venkitaj fare de la Romia imperio, la ĝermanoj kaj iom post iom asimiliĝis en la Imperion, perdinte siajn lingvojn kaj tradiciojn. Ili multfoje batalis por la libereco ene de la Romia imperio, sed senrezulte. La plej grava gvidanto estis Vercingetorix kaj la movado de bagaŭdoj.

Religio

En ilia vivo havis gravan rolon la pastroj: vatoj, kiuj plenumis la oferojn kaj interpretis la naturon, kaj druidoj kiuj instruis kaj juĝis, kaj eposaj poetoj: la bardoj. La druidaro estis estrata de ĉefdruido elektita sekretloke en regiono de la Karnutoj (Karnutio estante rigardata kiel centro de Gaŭlio). Sed oni konsideris Brition kiel centron kaj fonton de klereco pri la druida religio.

Keltidaj popoloj

Nur malmultaj keltoj konservis sian lingvon de la kelta lingvaro: kelkaj irlandanoj, bretonoj, kimroj, skotoj kaj kornvalanoj. Genoj de la kontinentaj keltoj plutroviĝas inter popoloj kiel francoj, hispanoj.

Kelta mitologio

La keltoj havis riĉan mitologion, kiu donis la legendojn de Tristan, Gralo, Reĝo Arturo (vidu: Artura ciklo).

Keltaj triboj

Listo de la keltaj gentoj (la nomoj de la Romianoj)

Alpaj triboj

Ambisontes
Camunni
Helvetii
- Tigurini
- Toygenes
- Verbigenes
Lepontii
Nantuates
Raetii (origine malkelta, sed keltiĝa)
Sedunes
Uberi
Veragres

Akvitanoj

Ausci
Bigerriones
Bituriges
- Cubi
- Vivisci
Cadurci
Cocosates
Eleusates
Garunni
Gates
Ptianii
Ruteni
Santones
Sibulates
Tarbelli
Tarusates
Vocates

Belgoj

Aduatuci
Ambiani
Atrebates
Bellovaci
Menapii
Morini
Nervii
Remi
Suessiones
Velicasses
Viromandui

Gaŭloj

Aedui
- Ambivaeti
- Insumbri
- Mandubii
- Segusiavi
- Senones
Ambiliati
Aremorici
- Ambarri/Ambibarii
- Caletes
- Curiosolites
- Lemovices
- Osismi
- Redones
- Venelli/Unelli/Vinelli
- Veneti
Arverni
- Allobroges
- Cadurci
- Eleuteti
- Gabali
- Vellavi
Andes/Andecavi
Aulerci
- Brannovices
- Cenomani
- Diablintes
- Eburovices
Coriosolites
Elvii
Esuvii
Karnutes
Keltori
Leuci
Lexovii
Mediomatrici
Namnetes
Norici
- Alauni
- Ambidravi
- Ambilici/Ambilini
- Ambisontes
- Carni
- Catali
- Iapodes
- Laianci
- Norici
- Saevates
- Sevaces
- Taurisci
- Uperaci
Nitiobriges
Parisii
Pictones
Rauraci
Segobriges
Tricastini
Turoni
Vindelici
- Brigantes
- Clautenatii
- Cosuaneten
- Estionen
- Licates
- Rucinaten
Volcae
- Arecomici
- Tectosages

Italaj triboj

Anares/Masicii
Aulerci
Boii
Caturiges
Cenomani
Insubri
Laer
Lingones
Senones

Iberaj kaj luzitanaj triboj

Astures
Cantabri
Gallaeci
Keltiberi (origine malkelta)
- Arevaci
- Bastetani
- Belli
- Berones/Briones
- Carpetani
- Cerindones
- Edetani
- Lusones
- Murbogi
- Oretani
- Pelendones
- Titti
- Turmogidi
- Vaccei
- Vettones
Lusitanii
Turditani