Kivifrukto

Kiel legi la taksonomion Kivo
Verdaj kivoj
Biologia klasado
Regno: Plantoj Plantae Divizio: Embriofitoj Embryophyta Klaso: Spermatopsidoj Spermatopsida Subklaso: Asteredoj Asteridae Ordo: Aktinidiacoj Actinidiaceae Familio: Erikaloj Ericales Genro: Actinidia Specio: A. deliciosa
Dunomo
Actinidia deliciosa
Aliaj Vikimediaj projektoj

Kivifrukto aŭ kivo estas manĝebla frukto de la ĉina aktinidio (Actinidia deliciosa).
Fruktoj de Actinidia chinensis nomiĝas oraj kivoj.

Pro ĝi aktinidio estas multlande kulturata, sed precipe en Novzelando, kie ĝi akiris sian nomon de la tiea nacia birdo kivio; oni foje aŭdas la formon "kivi-frukto". La novzelanda frukt-eksporta kompanio Turners and Growers ek de 1959 propagandis la frukton kaj per la nom-elekto ligis ĝin al la lando. En 1974 la nomo iĝis oficiala en frukto-komerco. La planto originas en orienta Azio.

Kultivistoj produktis diversajn specojn de kivoj. La plej disvastigitaj estas ovo-formaj kaj havas longon inter 5 kaj 8 cm. Ilia ŝelo estas ore bruna kaj havas mallongajn harojn; la karno estas verda aŭ flave verda. La nigraj semetoj estas manĝeblaj. Ekzistas ankaŭ senharaj specoj, konsiderinde malpli grandaj.

Orkolora Kivo aŭ ora kivo, kun flava sarkokarpo, pli dolĉa kun malpli acida gusto, estas nova kultiva grupo produktata de la New Zealand Crown Research Institute (Novzelanda krona esplorinstituto).

Nutra valoro

100 g da freŝa produkto:

	Ora
Energia valoro	54,9 kkal/226,8 kĴ
Karbonhidrato	11,3 g
Proteino	1,3 g
Graso	0,6 g
Fibro	1,4 g
Vitamino C	108,9 mg
Vitamino E	2,2 mg
Natrio	0,003 mg

Vidu ankaŭ

• kivio
• Actinidia chinensis. Ties fruktoj havas flavan fruktkarnon. Ĝi estas vendata sub la marko „Kiwi Gold“.
• Actinidia arguta frosttolera specio kun malgrandaj glatajn kaj verdaj fruktoj.
• Actinidia kolomikta, la fruktoj ne taŭgas por la komerco, ĉar ili rapide falas de la planto.