Klaus Maria Brandauer
Klaus Maria BRANDAUER [klaŭs maria BRANdaue] (naskiĝis la 22-an de junio 1944 en Bad Aussee) estas aŭstra aktoro kaj reĝisoro. Lia reala nomo estas Klaus Georg STENG.
Brandauer komencis sian karieron kiel teatra aktoro inter alie sur la scenejoj en Tübingen, Düsseldorf, Salzburg, Munkeno kaj Vieno. Internacian famon kiel filmaktoro Brandauer gajnis pro la ĉefrolo en la filmo Mephisto, kiu en la jaro 1982 gajnis Oskaron en la kategorio plej bona eksterlanda filmo. Sian debuton kiel filmreĝisoro Brandauer havis en 1989, en Georg Elser – einer aus Deutschland, en kiu li ankaŭ transprenis la titolrolon.
Listo de filmoj
- Mephisto (Hungario, 1981)
- Never say never again (Usono, 1983)
- Oberst Redl (Germanio/Hungario/Aŭstrio, 1984)
- Out of Africa (Usono, 1985)
- Streets of gold (Usono, 1986)
- Burning secret (Usono, 1988)
- Hanussen (Germanio/Hungario, 1988)
- Georg Elser – einer aus Deutschland (Germanio, 1989)
- The Russia House (Usono, 1990)
- Mario und der Zauberer (Germanio/Aŭstrio/Francio, 1994)
- Rembrandt (Francio, 1999)