Kolekto Frick

El Vikipedio, la libera enciklopedio
Saltu al: navigado, serĉo
Sidejo de la Kolekto Frick.

La Kolekto Frick estas arta muzeo situanta en Manhatano, Novjorko, Usono. Ĝi sidejas en la antaŭa Domo de Henry Clay Frick, kiu estis dizajnita de Thomas Hastings kaj konstruita en 1913-1914. John Russell Pope ŝanĝis kaj pligrandigis la konstruaĵon en la 1930-aj jaroj por adapti ĝin kiel publikan institucion. Ĝi malfermiĝis al la publiko la 16-an de decembro 1935.

La Kolekto Frick estas unu el la superaj malgrandaj artaj muzeoj en Usono, kun tre alta kvalita kolekto de malnovaj majstraj pentraĵoj kaj bona meblaro en 6 galerioj ene de la antaŭa loĝdomego. La pentraĵoj en multaj galerioj daŭre estas aranĝitaj laŭ la dizajno de Frick, kvankam kromaj verkoj estis aĉetitaj fare de la Frick Kolekto tra la jaroj kongrue kun la estetiko de la kolekto.