Koncertmajstro
Koncertmajstro estas kutime la voĉestro el la grupo de la 1-aj violonoj, kiu staras aŭ sidas en orkestro ĉe la unua muzikpupitro. Ĝis en la komencanta 19-a jarcento ĉi tiu estra muzikisto direktis memstare la tutan orkestron, kiel eĉ nun estas kutime en kelkaj ĉambrorkestroj. Ekde la transpreno de la estra pozicio de dirigento – komence ekde la klaviceno, poste nur staranta antaŭ la orkestro – koncertmajstro havas la taskon kontroli la agordadon, gvidi la ludadon, ludi la violonajn soloajn pasaĝojn kaj foje anstataŭi la dirigenton dum la proboj. Krome li signalas al la orkestro la ekstaradon, eksidadon kaj eventualan aplaŭdadon (ekz. per la arĉoj, kiuj estas frapataj ĉe la muzikpupitroj).
En pli grandaj simfoniorkestroj plejofte estas pluraj koncertmajstroj. Jen oni kutime distingas inter la t.n. 1-aj koncertmajstroj kaj la 2-aj koncertmajstroj. Ofte en pli grandaj orkestroj du koncertmajstroj dum koncerto sidas ĉe la unua pupitro, je kio unu anstataŭas la alian. Krome en grandaj orkestroj la voĉestroj de la 2-aj violonoj ofte nomiĝas koncertmajstroj.
La koncertmajstro estas subtenata de la voĉestroj de la aliaj instrumentgrupoj kaj komunikas vide kun ili.
Famaj koncertmajstroj (selekto)[redakti | redakti fonton]
- Siegfried Borries: Koncertmajstro de la Berlinaj Filharmoniistoj 1933–1940, speciala koncertmajstro de Staatskapelle Berlin 1941–1945, koncertmajstro de la Berlinaj Filharmoniistoj 1945–1956
- Willi Boskovsky: Koncertmajstro de la Vienaj Filharmoniistoj 1933–1969
- Alice Harnoncourt: Koncertmajstrino de Concentus Musicus Wien 1953–1985
- Rainer Kussmaul: Unua koncertmajstro de la Berlinaj Filharmoniistoj 1993–1997
- Rudolf Koeckert: Unua koncertmajstro de la Simfoniorkestro de la Bavara Radio 1949–1979
- Franzjosef Maier: Koncertmajstro de ĉambrorkestro Collegium Aureum, ekde 1962 ĝis ties malfondiĝo
- Egon Morbitzer: Koncertmajstro de Staatskapelle Berlin 1951–1989
- Erich Röhn: Unua koncertmajstro de la Simfoniorkestro de la Nordgermana Radio 1945–1974
- Horst Sannemüller: Koncertmajstro de la Gewandhausorchester Leipzig
- Franz Peter Fischer: Unua koncertmajstro de Würzburger Philharmoniker
Vidu ankaŭ[redakti | redakti fonton]
Eksteraj ligiloj[redakti | redakti fonton]
Retpaĝaro deFranz Peter Fischer Arkivigite je 2009-06-15 per la retarkivo Wayback Machine