Konrad Duden
El Vikipedio
La germana germanisto Konrad Alexander Friedrich DUDEN [KONrad DUdn] naskiĝis je la 3-a de januaro 1829 en la bieno Bossigt en Lackhausen apud Wesel. Li studis historion, germanistikon kaj klasikan filologion en Bonn, doktoriĝis je la universitato de Marburg, laboris kiel instruisto kaj lerneja direktoro kaj engaĝiĝis por la normigo de la germana ortografio.
Lia plej grava merito estas la verko "Vollständiges Orthographisches Wörterbuch der deutschen Sprache" (= Plena ortografia vortaro de la germana lingvo), aperinta en la jaro 1880. Ĝi fariĝis la oficiala bazo por la germana ortografio. Konrad Duden mortis je la 1-a de aŭgusto 1911 apud Wiesbaden.
