Konstitucifara asembleo
Konstitucifara Asembleo aŭ Konstituci(ant)a Asembleo, pli simple Konstitucifara aŭ Konstituciantaro estas nacia (respektive ŝtata, landa) kunsido de personoj de la popolo — ne nepre reprezentantoj — kunside kun la specifa celo formi la novan regularon kiu regos la rilaton inter registoj kaj regitoj same kie la funkciado kaj distribuado de la povo, fundamento de ties politika kaj socia sistemo, kiel normala plenumo de aŭtoritato suverana kio estas konata kiel konstitucifara povo, kiu operacias super la konstituita povo, sen pli da limoj ol tiuj fiksitaj de la nacia intereso, la civilizacio aŭ la naturaj homaj rajtoj.
Konstitucifara Asembleo estas kolektiva institucio kiu celas redakti novan konstitucion, kaj por tio ĝi ĝuas el plenaj povumoj, nome konstitucifara povo al kiu devas submetiĝi ĉiuj la publikaj institucioj. Ĝi difiniĝas, laŭ tekstoj de politika scienco kaj de sociaj sciencoj kiel la "kunsido de personoj, kiuj simbolas la popolon plenumante ties aŭtoritaton, kiuj respondecas por leĝofari, por eldoni novan fundamentan superan leĝon kaj la novajn liniojn de la organizado de ŝtato, kiuj modifos la modelojn jam ekzistintajn. En tiu subkompreno, la Konstitucifara Asembleo konstituiĝas en populara kaj demokratia mekanismo, por la kunfigurado de nova modelo de leĝaro konstitucia kaj de organizado ŝtata.
Ne temas pri generado de konstituciaj ŝanĝoj propraj de la normalaj funkcioj de la parlamentoj, sed de radikalaj transformoj, orientitaj al ŝanĝo de ties bazaj strukturoj.