Kopta Eklezio

El Vikipedio, la libera enciklopedio
Saltu al: navigado, serĉo

La vorto Kopto rilatas al membro de unu el la Koptaj eklezioj, t.e. membro de la tradicia kristana komunumo de Egiptio. Origine, la vorto signifis simple "egiptianon", sed nuntempe ĝi signifas specife "egiptan kristanon".

Estas malinterkonsento pri la nombro de kristanoj en Egiptio. Laŭ koptaj fontoj, estas 15–20 milionoj da egiptaj kristanoj, sed laŭ la egipta registaro temas pri nur 4 milionoj. Ĉiuokaze, la kristanoj en Egiptio estas minoritato en islama lando, sed tamen ili reprezentas la plej grandan kristanan komunumon en la Mezoriento. 95 % de la koptoj apartenas al la Kopta ortodoksa eklezio, dum la aliaj estas dividitaj inter la kopta katolika kaj diversaj koptaj protestantaj eklezioj.

Nuntempe multaj koptoj elmigras de Egiptio al aliaj landoj, ofte ĉar ili sentas sin minacataj de islama fundamentismo. Laŭ multaj esploroj, ankoraŭ restas iom da diskriminacio kontraŭ kristanoj en Egiptio.

Kristanismo estis enkondukita en Egiptio de Sankta Marko la evangeliisto, kaj jam en la 3-a jarcento post Kristo, plimulto de la egiptoj estas kristanoj. Kiam la araboj invadis la landon en la jaro 641, ili kunportis Islamon. Kvankvam ili toleris aliajn religiojn, kristanoj estis devigataj pagi specialajn impostojn, kaj estis traktataj kiel duarangaj civitanoj. Dum la postaj jarcentoj multaj konvertiĝis al Islamo.

Kopta ortodoksa kruco kun la tradicia skribaĵo: Jesuo Kristo, filo de Dio
La Kopta ortodoksa katedralo Sankta Marko en Aleksandrio, Egiptio
Kopta monaĥejo malantaŭ la Valo de l'Reĝoj, Egiptio


Eklezioj apud la Kopta ortodoksa eklezio[redakti | redakti fonton]

Pli ol 95% da egiptaj kristanoj estas membroj de la Kopta Ortodoksa Eklezio de Aleksandrio[1][2][3], unu el Orientaj ortodoksaj eklezioj. Tiu kopta eklezio reprezentas la plej grandan kristanan kolonion en Mezoriento[4], kaj havas proksimume 4 ĝis 8 milionojn da aliĝantoj en Egiptio, plus 3 ĝis 4 milionojn eksterlande. La Kopta ortodoksa eklezio estas estrata de la Papo de Aleksandrio kaj Patriarko de la tuta Afriko ĉe la sankta apostola sidejo de Sankta Marko la evangeliisto, la papo Shenouda la 3-a ekde 1971. Fratineklezioj kuniĝis en Armenio, Etiopio, Eritreo, Barato, Libano kaj Sirio.

Aliaj praegiptaj kristanoj aliĝas al la Kopta katolika eklezio, la Kopta evangelia eklezio aŭ diversaj koptaj protestantaj eklezioj. Ne-praegiptaj populacioj estas grandnombre trovitaj en la urbaj regionoj de Aleksandrio kaj Kairo, kaj estas membroj de la Grek-Ortodoksa eklezio de Aleksandrio, la Katolika Grek-Melkita eklezio, la Armena apostola eklezio, la Romkatolika eklezio, la Episkopa eklezio en Jerusalemo kaj Mezoriento, la Maronita eklezio, la Ĥaldea katolika eklezio, la Siria katolika eklezio aŭ la Siria ortodoksa eklezio.

Referencoj[redakti | redakti fonton]

  1. Egiptio el "U.S. Department of State/Bureau of Near Eastern Affairs" (30-a septembro 2008). (angle)
  2. Egiptio el "Foreign and Commonwealth Office" (15-a aŭgusto 2008). (angle)
  3. (18-a junio 2009) Kiuj estas la Kristanoj en Mezoriento ?. Betty Jane Bailey. ISBN 9780802810205.  (angle)
  4. (8-a julio 2008)Breĉo inter Egiptaj Kristanoj kaj Islamoj enlarĝiĝas. Alirita la 2-a de oktobro 2008. (angle)

Vidu ankaŭ[redakti | redakti fonton]