Korea abio

El Vikipedio, la libera enciklopedio
Saltu al: navigado, serĉo
Vikipedio:Kiel legi la taksonomionKiel legi la taksonomion
Korea abio
Korea abio Abies koreana
Korea abio Abies koreana
Biologia klasado
Regno: Plantoj Plantae
Filumo: Pinofitoj Pinophyta
Klaso: Pinopsidoj Pinopsida
Ordo: Pinaloj Pinales
Familio: Pinacoj Pinaceae
Genro: Abio Abies
Abies koreana
E.H.Wilson, 1920
Aliaj Vikimediaj projektoj
v  d  r
Information icon.svg

La Korea abio (Abies koreana) estas daŭre verda pinglarbo kiu apartenas al la pinofamilio. Ĝi estas malrapide kreskanta arbo kiu estas plantata en ornamĝardenoj kaj estas kultivata kiel kristnaskarbo. La pingloj ne defalas de sege renversita arbo.

La arbo de nature troviĝas en la montoj de la ekstrema sudo de Koreio kaj tie fariĝas 6 ĝis 16 m alta. En Eŭropo la arbo ne fariĝas pli alta ol 3 ĝis 4 m kaj tiam estas 2,5 m larĝa. La glata arboŝelo estas grizbruna kaj kovrita per rezinveziketoj.

La branĉoj estas abunde kovritaj per molaj, suprenstarantaj, je la supra flanko brilantaj pingloj. La 1,2 ĝis 2,5 cm longaj, plataj, al la pinto plilarĝiĝintaj pingloj estas malhel- ĝis grizverdaj. Sur la suba flanko estas la stomoj aranĝitaj en du tre larĝaj arĝentblankaj laŭlongaj strioj, separitaj de la mallarĝa meznervuro. La pinto de la pinglo estas malakra kaj noĉhava.

La arbo jam de junaĝo formas multajn konusojn de 5 ĝis 7,5 cm longeco, kiuj staras en grandaj grupoj sur la branĉoj. Pro tio la arbo havas gravan ornamvaloron. La junaj konusoj havas arĝentbluan koloron. La maturaj konusoj havas brunan koloron kaj disfalas. Nur la akso restas sur la branĉo. La semoj estas maturo en la aŭtuno.

Abies koreana.jpg
suba flanko de la pingloj