Kosmoŝipo Dragon

El Vikipedio, la libera enciklopedio
Saltu al: navigado, serĉo
Dragon en la orbito

La Kosmoŝipo Dragon estas la unua kosmoŝipo, kiu estis evoluigita el privata mono kaj kiu kapablas atingi malaltan orbiton de la Tero kaj poste re-eniri la atmosferon. Ĝin evoluigas la firmao Space Exploration Technologies (SpaceX) en Usono, en kadro de Programo COTS, ĝia unua testa flugo okazis en decembro de 2010. La reuzebla kosmoŝipo havos ŝarĝotransportan kaj homtransportan version, tiu lasta kapablos transporti sep personojn al la Internacia Kosmostacio (IKS). La ŝarĝotransporta versio plenumis sian unuan taskon en majo de 2012, dokante al la IKS.

Ĉar ĝi kapablas nur limigite al memstara manovrado, dokas ĝin al la kosmostacio la robota kruro Canadarm2, simile al tio de la japana ŝarĝotraporta kosmoŝipo H-2 Transfer Vehicle. Ĝia lanĉa raketo estas Falcon 9, same evoluigita de SpaceX. Ĝia realveno okazas sur akvosurfaco, per paraŝuta bremsado povas surakviĝi la ŝarĝotransporta versio per sia tuta kargo. Ĝi havas la alton de 2,9 m, la diametron de 3,6 m.

Bildaro[redakti | redakti fonton]