Krimea submediteranea arbarmasivo
La krimea submediteranea arbarmasivo estas tersupraĵa ekoregiono el la mediteranea ekoprovinco de la palearkta ekozono laŭ la tipologio de la Monda Natur-Fonduso (WWF). La ekoregiono kongruas kun samnoma ekoregiono difinita de la Eŭropa Vivmedia Agentejo. Ĝi ankaŭ estas parto de la tutmondaj 200-unuo "eŭropaj-mediteraneaj montaraj miksaj arbaroj". Biome la ekoregiono apartenas al mezvarmaj foliaj kaj miksaj arbaroj de Rusujo kaj Ukrainujo. Fitogeografie, ĝi estas aparta flaŭra provinco el la Mediteranea Regiono de la Holarkta Regno.
Priskribo [redakti]
La ekoregiono konsistas el du marbordaj enklavoj ĉe la norda marbordo de la Nigra Maro; unu okupas la centran marbordon de Krimeo, etendiĝante en la Krimean montaron, alia okupas la nigra-maran marbordon de Krasnodara regiono, etendiĝante orienten laŭlonge de la nordokcidenta flanko de Kaŭkazio.
Klimato kaj vegetaĵaro similas tiujn de la Mediteranea regiono, kun varmega somero kaj malsevera pluveca vintro. Je altitudoj sub 400 metroj superregas maldensarbaroj kaj makisoj de kverko, kristodorno (Paliurus spina-christi), lentisko (Pistacia lentiscus), Pyracantha, kaj sklerofilaj arbustoj. Inter 400 kaj 800 metroj estas arbaroj de Turka pino (Pinus brutia), lanuga kverko (Quercus pubescens), orienta karpeno (Carpinus orientalis), kaj ordinara frakseno (Fraxinus excelsior). Arbaroj de arbara pino (Pinus sylvestris) kaj orienta fago (Fagus orientalis) kune kun juniperaj maldensarbaroj etendiĝas ekde altitudo de 800 ĝis 1300 metroj.
La varmaj someroj kaj malseveraj vintroj de la teritorio faras ĝin populara feria regiono. Urboj en la ekoregiono inkluzivas Jalton, Alupkon, Aluŝton, Sebastopolon, kaj Novorossijskon.
Vidu ankaŭ [redakti]
 |
Rilataj artikoloj troviĝas en Portalo pri Biologio |
Eksteraj ligiloj [redakti]
 |
Rilataj artikoloj troviĝas en Portalo pri Eŭropo |
- angle Ekoregiono PA0416 : Krimea submediteranea arbarmasivo (WWF)
- angle Krimea submediteranea arbarmasivo (WWF-Wildworld)
- angle Krimea submediteranea arbarmasivo (Wildworld) - Nacia Geografia Societo
- angle Krimea submediteranea arbarmasivo (Globalspecies)
- angle Mapo : tajpu Crimean Submediterranean forest complex. angle
- angle Tutmondaj 200; numero 077 : Eŭrop-mediteraneaj montaraj miksaj arbaroj ( WWF )
- angle Diĝitala Mapo de Eŭropaj Ekologiaj Regionoj
 |
Rilataj artikoloj troviĝas en Portalo pri Geografio |
|
||||
