Kulabah-eŭkalipto

Kulabah-eŭkalipto
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonaj Magnoliopsida Ordo: Mirtaloj Mirtales Familio: Mirtacoj Myrtaceae Genro: Eŭkalipto Eucalyptus
Dunomo
Eucalyptus coolabah Blakey & Jacobs

Kulabah-eŭkalipto ( Eucalyptus coolabah ) estas eŭkalipto de ĉeriveraj areoj kaj troviĝas en Aŭstralio ekde landinternaj ĝis marbordaj regionoj. Angle la specio nomiĝas coolibah aŭ coolabah, estante fremdvorto el la indigen-aŭstraliana juvaalijaaj-vorto, gulabaa .

Priskribo

Kulabah-eŭkalipto havas larĝ-branĉan habiton ( ofte pli larĝa ol alta ) kaj atingas altecon ĝis 15 m. La arboŝelo estas tiu de la bokseŭkaliptoj ( persista, malhelgriza, dika, sulkigita ) sur la trunko kaj la malsupraj branĉoj; sed glata palgriza supren-pinte.

Propagado dependas de periodoj de mergado sub akvo por steriligi sembedojn kaj kiel rezulto la specio estas limigita al ejoj kiuj travivas minimume periodan inundadon. Tamen la arbo troveblas en vastaj areoj de riverebenaĵoj, laŭlonge de permanenta akvo same kiel proksime de laŭsezone inunditaj fontejoj aŭ apud daŭraj akvaĵoj.

Similaj specioj

Floroj kaj folioj de kulabah-eŭkalipto.

Vasta kulabah-eŭkalipta maldensarbaro en inundo-ebenaĵo en norda Aŭstralio. Notu la glatan blankan ŝelon je la supra trunko kaj grandaj branĉoj karakterize por la specio.

Kulabag-eŭkalipto estas tre simila al E. microtheca . La ĉefa ekstera diferenco estas ke tiu-ĉi havas malglatan ŝelon ĉe la malgrandaj branĉoj, dum ĉe E.coolabah la branĉoj havas glatan blankan, palgrizan aŭ rozkoloran ŝelon. Kulabah-eŭkalipto pasinte estis konata sub E. microtheca ( kiu nun havas kelkajn subspeciojn ), antaŭ la subdivido en du speciojn.

Vidu ankaŭ

• Sudorient-aŭstraliaj mezvarmaj savanoj

Bibliografio

• angle Holliday, I. 2002 : A field guide to Australian trees (3rd edition), Reed New Holland.
• angle Cronin, L. 2000 : Key Guide to Australian Trees, Envirobook.
• angle Hall, Norman; R.D. Johnston; G.M. Chippendale 1975 : Forest trees of Australia, Australian Department of Agriculture, Forestry and Timber Bureau, Canberra, 334 p., pp. 220-221. ISBN O 642 98480 8

Eksteraj ligiloj

• angle Kulabah-eŭkalipto ( ITIS )
• angle Kulabah-eŭkalipto ( KEW )

Rilataj artikoloj troviĝas en Portalo pri Biologio