Kultura Centro Esperantista
| Kultura Centro Esperantista | |||||
|---|---|---|---|---|---|
| organizaĵo | |||||
| Lando(j) | Svislando vd | ||||
| Ĉefestro(j) | Walter Żelazny vd | ||||
| |||||
 
| |
Kultura Centro Esperantista (KCE) estas lerna, trejna, ekzamena, konferenca kaj gastiga centro[1]. Fondita de svisaj esperantistoj en Biel/Bienne Zamenhof-Tage 1968[2] (plu vivas tri el ili: Claude Gacond, Martin Meyer kaj Olivier Tzaut). Ekde 1974 ĝi situas en La Chaux-de-Fonds, unu el la plej altaj urboj en Eŭropo (1100 m). Funkcianta dum la tuta jaro, ekde 1999 ĝi proprietas kvaretaĝan domon kun teraso kaj ĝardeno, en urbo kun ĉiuj modernaj servoj sed apud trankvilaj paŝtejoj. Disponeblas libroservo, biblioteko, kantino, gastejo, kursoj, seminarioj, kongresoj plurnivele, kaj Esperantologia fakultato. Jure ĝi estas asocio kun Komitato kaj Ĝenerala Asembleo. Institucia membro de la Asocio de Lingvaj Testistoj en Eŭropo (ALTE). Aliĝinta al la Pakto por la Esperanta Civito.
Historio[redakti | redakti fonton]
KCE realigis grandiozan ekspozicion pri esperanto kaj interlingvistiko ĉe la nacia biblioteko[1].
Kursaro[redakti | redakti fonton]
Krom lingvokursoj de Esperanto, okazas aliaj kursoj kiel ekzemple beletra tradukado, geopolitiko aŭ parlamenta tekniko[3].
CDELI[redakti | redakti fonton]
Ne parto de KCE (ĉar interlingve neŭtrala instanco), tamen grava por staĝanoj de KCE kaj esploristoj kun interlingvistika intereso estas la Centro de dokumentado kaj esploro pri la Lingvo Internacia (Centre de documentation et d'étude sur la langue internationale, CDELI)[4].
Gastejo Privat[redakti | redakti fonton]
Gastejo Privat staras en tre kvieta kvartalo, proksime de arbaro kaj belaj montosupreoj. Ekde 2019 KCE eniris loĝigan mendoreton internacie aktivan[5].
Atingeblo[redakti | redakti fonton]
El Ĝenevo trajne al Neuĉhatel, el Zuriko (Zürich) au Bazelo (Basel) trajne al Biel/Bienne. El tiuj urboj estas trajnoj ĉiuhoraj al La Chaux-de-Fonds.
Atingebla de la ĉefa bushaltejo vidalvide de la stacidomo per buso 1 direkto RECORNE ĝis haltejo Esperanto kaj de tie sekvi la indikilojn KCE Centre Esperantiste sur la urba ĉefstrato, tute proksime de la bushaltejo Espéranto.
Adreso[redakti | redakti fonton]
KCE, (strato) Postiers 27, CP 311, CH-2301 La Chaux-de-Fonds, Svislando, tel/fakso (41)32 9267407, <kce(ĉe)esperantio.net>, www.esperantio.net
Vidu ankaŭ[redakti | redakti fonton]
Vilao Fallet (La Chaux-de-Fonds)
Eksteraj ligiloj[redakti | redakti fonton]
Referencoj[redakti | redakti fonton]
- ↑ 1,0 1,1 (eo) Kultura Centro Esperantista, HeKo.
- ↑ Kultura Centro Esperantista - UIA
- ↑ (eo) Ĉu vi ŝatus kulturi vin valora aktivulo en la nuntempa Esperantio? Komencu ĉe Kultura Centro Esperantista.
- ↑ CDELI - Specifaĵoj Arkivigite je 2021-02-05 per la retarkivo Wayback Machine (adresoj, alirebloj per publika transporto ktp, Esperanto-centroj, 2020
- ↑ KCE trovas trezoreton kaj hotelan vervon, Heroldo de Esperanto, paĝo 1, aŭgusto 2019.
