Kvina kolono

El Vikipedio, la libera enciklopedio
Saltu al: navigado, serĉo

Kvina kolono estas esprimo por tiu sekreta grupo ene de iu lando, kies celo estas submini la solidarecon, la defendan forton de la lando. La naskiĝon de la esprimo oni atribuas al la generalo de la ribela flanko en la Hispana Enlanda Milito, Emilio Mola Vidal. Kiam kvar ribelaj kolonoj marŝis al Madrido, la generalo nomumis siajn batalantajn apogantojn ene de la urbo kiel sia "kvina kolono", kiu pretas detrui interne la respublikan registaron.

Metodoj de la kvina kolono estas sekreta membriĝo en la naciaj defendaj kaj decidpovaj pozicioj, disvastigo de miseventoj kaj mensogoj, spionado kaj sabotado.

Kvina kolono aperis ankaŭ en romantitolo de Ernest Hemingway.