La Tre Honorinda

El Vikipedio, la libera enciklopedio
Saltu al: navigado, serĉo

La Tre Honorinda, angle The Right Honourable, estas honora antaŭtitolo por personoj, aplikata en la Unuiĝinta Reĝlando de Granda Britio kaj Nord-Irlando, Aŭstralio, Kanado, Novzelando kaj aliaj landoj de la Brita Naciaro. Ekzemple en Aŭstralio, Britio kaj Novzelando oni aplikas ĝin al la ĉefministroj.

Pri kelkaj funkcioj la titolo estas uzata antaŭ la nomo de la koncernuloj, pri aliaj nur antaŭ la nomo de la ofico. Ekzemple la ĉefurbestroj de la aŭstraliaj urboj Adelajdo, Brisbano, Hobarto, Melburno, Perto, kaj Sidnejo ne rajtas je la titolo antaŭ sia nomo, sed ja antaŭ la titolo Lord Mayor (ĉefurbestro).

En skriba uzo, ekzemple en adresoj, oni mallongigas la anglan version al "The Rt. Hon.".

La titolo estas distingenda de la malpli signifa "The Honourable" (La Honorinda), kutime aplikebla al pli granda personaro.