Lago de Meduzoj

El Vikipedio, la libera enciklopedio
Saltu al: navigado, serĉo

La Lago de Meduzoj (Ongeim'l Tketau) aŭ ankaŭ Jellyfish Lake estas salet-akva lago, kiu situas sur la insulo Eil Malk je 25 km de insulo Koror, en la sudpacifika insula ŝtato Palau.

Lago de Meduzoj sur Eil Malk

Antaŭ ĉ. 18.000 jaroj fermiĝis la atolo kaj la tie vivantaj meduzoj alkutimiĝis al tiu specifa ekosistemo. La tieaj meduzoj estas subspecioj de Mastigias papua, apartenas al la planktonfiltra ordo de radikbuŝaj meduzoj. Tiu specio ne manĝas planktonon, sed transformiĝis al "bredado" de algoj (zooksanteloj), kiujn kunportas en si. Ĉar la algoj bezonas sunlumon , la meduzoj ĉiumatene leviĝas supren kaj tiel „nutras“ siajn algojn. En la mallumeco ili sinkas, ĝis ili atingas profundon de ĉ. 20 m, kie aperas la venena sulfura hidrogeno. Cetere, ili ne povas tuŝi la lagogrundon, kie onin manĝas la maranemonoj (Entacmaea medusivora).