Lago de Thun
| Lago de Thun Thunersee |
|
|---|---|
 |
|
| Koordinatoj | 46°41′N 7°43′O / 46.683°N, 7.717°OKoordinatoj: 46°41′N 7°43′O / 46.683°N, 7.717°O |
| Speco de la lago | Malmultvivsubtena-meznivelnutra |
| Ĉefaj fontoj | Aro |
| Ĉefaj elfluoj | Aro |
| Areo de la baseno | 2500 km² |
| Landoj de la baseno | Svislando |
| Maksimuma longo | 17,5 km |
| Maksimuma larĝo | 3,5 km |
| Surfaca areo | 48,3 km² |
| Averaĝa profundo | 136 m |
| Maksimuma profundo | 217 m |
| Akva volumeno | 6,5 km³ |
| Restad-tempo (de laga akvo) | 684 tagoj |
| Surfaca alto | 558 m |
| Setlejoj | Thun, Interlaken kaj Spiez |
La Lago de Thun (germane: Thunersee) estas lago en kantono Berno en Svislando. Ĝi situas norde de la Alpoj, je proksimume 46°41′N 7°43′O / 46.683°N, 7.717°OKoordinatoj: 46°41′N 7°43′O / 46.683°N, 7.717°O.
Enhavo |
[redakti] Geografio
La Lago de Thun estas 17,5 km longa kaj 3,5 km larĝa je sia plej larĝa punkto. La surfaca areo estas 48,3 km². La maksimuma profundo estas 217 m, el kio rezultas akva volumeno de 6,5 km³. Urbo Thun situas sur la norda flanko de la lago kaj donas la laga ĝian nomon.
La Lago de Thun situas 558 metrojn super marnivelo. La baseno ampleksas proksimume 2.500 km². Ĉi-tiu granda baseno ofte kaŭzas lokajn inundojn post pezaj kvantoj de pluvo. Tio okazas, ĉar rivero Aro, kiu elfluas el la Lago de Thun, havas nur malgrandan akvotransportan kapaciton.
La lago estas nutrata tra la rivero Aro per akvo de la Lago de Brienz de la suda oriento, kiu situas 6 metrojn pli alte ol la Lago de Thun, kaj de diversaj torentoj en la Oberland, interalie torento Kander. La lago de Thun estis kreita post la lasta glaciepoko kaj estis origine parto de Brienzersee. La historia kombinita lago estas nomita Wendelsee de geologoj kaj historiistoj.
En nordoriento super la lago situas la konataj Sankt-Beato-Kavernoj, kiuj atingeblas ŝipe tra Sundlauenen.
[redakti] Ekonomio
Fiŝkaptado donas okupon al malpleno da profesia fiŝistoj. En 2001 la kaptaĵo estis 53.000 kg. Ekde 1835 pasaĝeraj ŝipoj trafikas sur la lago. Estas dek pasaĝeraj ŝipoj, mastrumataj de la loka fervoja kompanio (BLS Lötschbergbahn).
Je la orienta fino de la lago troviĝas la komunumo Interlaken kaj okcidente ĉe la elfluejo de la rivero Aro la urbo Thun, kiu donis al la lago la nomon.
[redakti] Kulturo
Ludoj de Lago de Thun estas organizaĵo por duonoperoj en la laga scenejo en Thun, Kantono Berno, Svisujo. (oficiala paĝo, ankaŭ pri duonopero Gotthelf Thun, Svisujo)
