Lagopo
El Vikipedio
 |
||||||||||||||
|---|---|---|---|---|---|---|---|---|---|---|---|---|---|---|
 Lagopus lagopus alascensis en aŭtumna plumaro, ĉe Lake Clark National Park
|
||||||||||||||
| Biologia klasado | ||||||||||||||
|
||||||||||||||
| Konserva statuso | ||||||||||||||
|
|
||||||||||||||
| Lagopus lagopus (Linnaeus, 1758) |
||||||||||||||
|
|
||||||||||||||
|
preskaŭ 10-20, inkluzivante
|
||||||||||||||
|
|
||||||||||||||
|
La ordinara (kutima) lagopo (Lagopus lagopus) estas birdospecio, apartenanta al familio fasanedoj, al ordo kokoformaj. Ĝi vivas en norda Eŭrazio, Kanado, Alasko.
Ĝi longas 37-40 cm, pezas 520-690 gr, la femalo iomete pli malgranda ol la virbirdo. Vintre la plumaroj de la masklaj kaj femalaj birdoj estas blankaj, nur iliaj beko, plumstangoj kaj vosto estas nigraj. En aliaj sezonoj iliaj plumoj plejofte estas kaŝtanbrunaj aŭ brunflavaj kun malhelaj strioj kaj makuloj. La nuptoplumaro aspektas jene: la kaposupro kaj la kolo estas ruste bruna kun nigraj makuloj kaj ondaj linioj; la ŝultraj, dorsaj kaj mezaj vost-plumoj estas nigraj, meze kun ruste bruna strio. Ĉiu plumorando estas blanka.
La lagopoj, tipaj birdoj en la frosta zono, somere kaj aŭtune loĝas en junaj betularoj, en muskoriĉaj marĉoj kun pinoj, en miksaj arbaroj ĉefe el betuloj, aŭ en la malgrandaj larĝfoliaj arbaroj kaj malgrandaj falfoliaj pinaroj proksime al kulturataj kampoj kaj vintre ili loĝas en salikejoj aŭ alispecaj arbaroj ĉe riverbordoj. Ili ofte aktivadas 20-30-ope kaj vivas duope nur en la frua printempo. Ili manĝas ĉefe vegetaĵojn, insektojn.
Ĝi demetas 6-11 ovojn kiujn kovas 25 tagojn.
