Laguna-montaraj pinaroj-kverkaroj

El Vikipedio, la libera enciklopedio
Saltu al: navigado, serĉo
Situo de la ekoregiono.

La laguna-montaraj pinaroj-kverkaroj estas tersupraĵa ekoregiono el la centramerika ekoprovinco de la neotropisa ekozono laŭ la tipologio de la Monda Natur-Fonduso (WWF). Biome la ekoregiono apartenas al tropikaj kaj subtropikaj koniferarbaroj de Laguna-Montaro en suda Malsupra Kalifornio, Meksiko. La ekoregiono estas parto de la tutmondaj 200-unuo pinaroj-kverkaroj de Okcidenta kaj Orienta Patrinmontaroj.

Priskribo[redakti | redakti fonton]

La ekoregiono ampleksas areon de 1 100 kvadrataj kilometroj. La pinaroj-kverkaroj troviĝas super altitudo de 800 metroj, kaj estas ĉirkaŭataj de la laguna-montaraj sekaj arbaroj. La pinaroj-kverkaroj havas unikajn kaj diversajn flaŭron kaj faŭnon, inkludante 694 plantospeciojn, el kiuj proksimume 85 pocentoj estas endemiaj.

La pli alta altitudo alportas por la ekoregiono subtropikan al mezvarman klimaton, kontraste kun la seka tropika klimato de la malaltaĵoj. La precipitaĵo estas pli alta ol en la pli malalt-altitudaj sekaj arbaroj kaj kserofitaroj de la duoninsulo, kaj sumiĝas je 760 mm average jare. La pluvo plejofte falas somere, kun neregulaj vintraj pluvoj.

Flaŭro[redakti | redakti fonton]

La konsisto de la pinaroj-kverkaroj varias kune kun la altitudo; la kverkaj duonarbaroj superregas ekde altitudo de 800 ĝis 1200 metroj, kun kverkaj-pinaraj duonarbaroj inter 1 200 kaj 1 600 metroj, transirantaj al pinaraj-kverkaraj arbaroj super altitudo de 1 600 metroj. Muskoj kaj likenoj ĉie abundas.

La kverkaj duonarbaroj inter altitudoj de 800 kaj 1 200 metroj estas pli varmaj kaj sekaj, kun ĉiamverdaj kverkoj superrege (ĉefe Quercus devia; Quercus arizonica kaj Quercus rugosa havas limigitan arealon), kune kun pli malaltaj arboj kaj arbedoj kiel Dodonaea viscosa, Bumelia peninsularis, kaj Buddleia crotonoides.

Super altitudo de 1 200 metroj, la kverkaj duonarbaroj transiras al kverkaj-pinaj arbaroj. La sola ĉeestanta pinospecio estas endemia subspecio de cembroido, Pinus cembroides subsp. lagunae, miksita kun kverkoj, inkludante Quercus devia kaj Quercus tuberculata, kaj aliajn foliarbojn, inkluzive de Arbutus peninsularis kaj Nolina beldingi. Pli malaltaj arboj kaj subarbaraĵaj arbustoj inkludas la fabacojn Calliandra peninsularis kaj Mimosa xanti, Heterotoma aurita (kampanulacoj), Verbesina pustulata (asteracoj), kaj Hypericum peninsulare. Super altitudo de 1 600 metroj, pinoj superregas, miksataj kun kverkoj, kaj kun subarbaraĵo de poacoj (Muhlenbergia spp. kaj Festuca spp.).

Faŭno[redakti | redakti fonton]

Minacoj kaj konservado[redakti | redakti fonton]

Vidu ankaŭ[redakti | redakti fonton]

Morpho didius Male Dos MHNT.jpg Rilataj artikoloj troviĝas en
Portalo pri Biologio


Neotropisaj tropikaj kaj subtropikaj koniferarbaroj
NT0301 Bahamaj pinaroj Bahamoj, Turkoj kaj Kajkoj
NT0303 Centramerikaj miksaj koniferaroj Gvatemalo, Honduro, Meksiko, Nikaragvo, Salvadoro
NT0304 Kubaj pinaroj Kubo
NT0305 Hispaniolaj pinaroj Domingo, Haitio
NT0307 Laguna-montaraj pinaroj-kverkaroj Meksiko
NT0308 Oaĥak-patrinmontaraj pinaroj-kverkaroj Meksiko
NT0309 Sud-patrinmontaraj pinaroj-kverkaroj Meksiko
NT0310 Pinaroj-kverkaroj de Sierra Nevada Meksiko

Eksteraj ligiloj[redakti | redakti fonton]

North America satellite globe.jpg Rilataj artikoloj troviĝas en
Portalo pri Nordameriko
Demanova Ice Cave 22.jpg Rilataj artikoloj troviĝas en
Portalo pri Geografio