Lajos Bebrits

Lajos Bebrits [lajoŝ bebriĉ], laŭ hungarlingve kutima nomordo Bebrits Lajos estis hungara politikisto, ministro, parlamentano, fervojisto, ĵurnalisto, diplomato.

Lajos Bebrits [1] naskiĝis la 14-an de decembro 1891 en Hungara reĝlando en Teregova (nuntempe en Rumanio). Li mortis la 9-an de aŭgusto 1963 en Budapeŝto.

Biografio

Lajos Bebrits frekventis gimnazion, fervojistan faklernejon. Inter 1910-1919 li laboris en Hungaraj Ŝtatfervojoj en diversaj stacidomoj. En 1917 li aliĝis al socialdemokratoj, post 2 jaroj al komunistoj. Post Traktato de Trianon li restis en rumania parto de Banato, kie li havis [posteno]]n en sindikato. Pro komunista propagando li estis kondamnita pli ol jaron. Inter 1923 kaj 1932 li vivis en Usono, kie li kontribuis en hungarlingvaj gazetoj. Ankaŭ tie pro la kontribuaĵoj li estis forigita el Usono, poste li vivis plu en Moskvo. Komence li estis fervojisto, sed inter 1938-1940 li estis arestita pro falsaj akuzoj. Post la liberiĝo li redaktis hungarajn gazetojn, eĉ hungarlingvan dissendon. En 1945 li translokiĝis al Hungario, kie li estis subministro, inter 1949 kaj 1956 ministro pri poŝto kaj transporto. Inter 1945 kaj 1962 li estis ankaŭ parlamenta deputito, poste ĝis 1959 diplomato. En 1962 li pensiuliĝis. Li ricevis premion en 1948.

Elektitaj publikaĵoj

• „Tisztelt elvtárs” (Estimata kamarado), (1934) - libro

Fontoj

• hungarlingva biografio (la koncerna teksto estas legebla post klako al litero B, poste serĉu la nomon)
• hungarlingva biografio kun foto