Landes

El Vikipedio

Nuna versio (nereviziita)

Saltu al: navigado, serĉo

Landes (40)

Informoj
Regiono :	Akvitanio
Prefektejo :	Mont-de-Marsan
Subprefektejoj :	Dax
Loĝantaro - Suma (1999) - Loĝdenso	327 334 loĝantoj 35,41 loĝantoj/km²
Areo	9 243 km²
Arondismentoj	2
Kantonoj	30
Komunumoj	331
Prezidento de la Ĝenerala Konsilio	Henri Emmanuelli
Situo en Francio

Landes [lãd] (aŭ okcitanlingve Lanas [lanos]; esperante Erikejoj ) estas unu el la kvin departementoj de la franca regiono Akvitanio. La departemento Landes estas la dua plej granda de Francio (9 236 km²), sed havas malmultajn enloĝantojn (327 330), ĉar la plejparto de sia teritorio estas kovrita de granda arbaro (60 %). Tiu ĉi arbaro estas ankaŭ la plej ampleksa el la tuta okcidenta Eŭropo. La ĉefurbo de tiu departemento estas Mont-de-Marsan. La departemento tute enhavas 331 komunumojn.

La departemento Landes havas longan kaj rektlinian fasadon al la Atlantika Oceano (pli ol 100 km), kelkajn lagojn kaj estas plejparte ebena. Nur en la sudorienta parto de la teritorio troviĝas kelkaj montetoj.

Pro la vastega arbaro, la agrikulturo resp. kultivado ludas malgrandan rolon en la ekonomia vivo de Landes. Industrio prezentiĝas per aeronaŭtiko, elektroniko kaj fabrikado de plastaj materioj.

Turismo nun disvolviĝas, precipe danke al multnombraj ban-urboj (unua franca ban-departemento): Dax, Eugénie-les-Bains, Tercis-les-Bains, Saubusse ktp. La turisma vivo ankaŭ viglas somere laŭ la longa marbordo kun siaj agrablaj banlokoj (Côte d'Argent: Arĝenta Bordo).