Laupersdorf

El Vikipedio, la libera enciklopedio
Saltu al: navigado, serĉo
Laupersdorf
Blazono de Laupersdorf
Blazono de Laupersdorf
Vilaĝeniro de Laupersdorf dum matena nebulo en januaro
Vilaĝeniro de Lauperdorf dum matena nebulo en januaro
Kantono Soloturno
Distrikto Thal
Koordinatoj  47°18′55″N 7°39′5″O  /  47.31528°N, 7.65139°O / 47.31528; 7.65139 (Laupersdorf)Koordinatoj: 47°18′55″N 7°39′5″O  /  47.31528°N, 7.65139°O / 47.31528; 7.65139 (Laupersdorf)
Nombro de enloĝantoj 1656
Areo 15,52 km²
Alteco 493 m super marnivelo
Poŝtkodo 4712
Komunumkodo 2426
Mapo de Laupersdorf
Mapo de Laupersdorf

Pri la komunumo[redakti | redakti fonton]

Laupersdorf estas komunumo en la distrikto Thal en Kantono Soloturno, Svislando. Ĝi havis 1656 loĝantojn je la 31-a de decembro 2009.

Geografio[redakti | redakti fonton]

Laupersdorf situas en la valo de la rivero Dünnern ĉe la suda deklivo de la montĉateno Brunnersberg, kiu apartenas al la Soloturna Ĵuraso. Krom la ĉefvilaĝo al la komunumo apartenas la nova kvartalo Vorstatt, la vilaĝeto Höngen, kaj la setlejoj Änerholz, Raucheln, Riemenrüt kaj Schad.

La teritorio de la komunumo etendiĝas sur areo de 15,52 km², de kiuj laŭ statistiko de 1997 47% estas kovritaj de arbaro, 47% servas por agrikulturo kaj 5% por setlado. [1]

Najbaraj komunumoj[redakti | redakti fonton]

La komunumo Laupersdorf limas en nordo al Mümliswil-Ramiswil, en oriento al Balsthal, en sudoriento al Niederbipp (BE), en sudokcidento al Wolfisberg (BE), kaj en okcidento al Matzendorf.

Trafiko[redakti | redakti fonton]

Laupersdorf situas ĉe la kantona ĉefvojo n-ro 30 de Balsthal al Moutier. Al la publika transportreto la komunumo estas konektita per poŝtaŭtolinio de Gänsbrunnen al Balsthal. La plej proksima alveturejo al la svisa aŭtovojo A1 situas proksimume 6 kilometrojn sudoriente en Oensingen.

Historio[redakti | redakti fonton]

La unua dokumenta mencio de Laupersdorf datiĝas el la jaro 968 kiel Luiperestorf.

La supera jurisdikcio dum mezepoko apartenis al la Grafejo Buchsgau, kiu en la jaro 1426 estis akirita de la urbo Soloturno. De tiam ĝis la Helveta Revolucio en la jaro 1798 Laupersdorf apartenis al la soloturna voktejo Falkenstein kaj la tribunalo Matzendorf. [2]

Notoj kaj referencoj[redakti | redakti fonton]

  1. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  2. Fonto: Albert Vogt: Laupersdorf en Historia Leksikono de Svislando (2007-11-28)

Eksteraj Ligiloj[redakti | redakti fonton]

Bildoj[redakti | redakti fonton]