Laura Pausini

El Vikipedio, la libera enciklopedio
Saltu al: navigado, serĉo
Laura Pausini
Laura Pausini 19 - Bercy - Aprilo 2012
Laura Pausini 19 - Bercy - Aprilo 2012
Bazaj informoj
Naskiĝo la 16-an de majo 1974 (nun 1974-05-16) (40-jara)
Flago de Italio Solarolo, Italio
Ĝenroj Latina popmuziko, soft-rokmuziko, Popmuziko
Profesio kantistino
Instrumentoj voĉa muziko
Aktivaj jaroj 1993 – nuntempo
Eldoninto Warner Music Group, Atlantic
Retejo www.laurapausini.com
v  d  r
Information icon.svg

Laura PAUSINI (naskiĝis la 16-an de majo 1974(nun 1974-05-16) en Solarolo (Raveno, Italio)) estas itala kantistino.

Ŝi estas konata pro la baladoj pri amo sed ankaŭ ŝi kantis pri la malriĉeco, mizero, milito, rasismo kaj aliaj sociaj aferoj. Konata ne nur en Italio sed ankaŭ en multaj eŭropaj landoj, Usono kaj Latinameriko. Ŝi kantis/as en la itala, hispana, portugala, angla kaj ĵuse en la franca, kun Hélène Segara kaj Johnny Hallyday, version de ŝia kanzono "Io canto" - Je chante - (Mi kantas).


Biografio[redakti | redakti fonton]

Laura Pausini naskiĝis la 16-an de majo 1974 en Solarolo, provinco Raveno, Italio, kie ŝi kreskis. Laura rakontas ke kiam ŝia patrino, Gianna, estis graveda de ŝi, ŝia patro Fabrizio kutime aŭskultigis muzikon al ŝi ĉar li arde deziris ke ŝi iĝu kantisto kiel li ankaŭ estas.

La patro de Laura estas muzikisto kaj kantisto, ŝia patrino estas porinfa instruistino kaj Silvia ŝia fratino, du jarojn malpli aĝa ol ŝi estas konsiderata de ŝi kiel la persono plej grava en ŝia vivo.

Kiam Laura 8-jariĝis ŝia patro demandis al ŝi kion ŝi volas kiel donacaĵon kaj ŝi respondis lin: Mi volas kanti kun vi. Dum tiu tempo Fabrizio estis la plej grava kaj sola instruisto ĉar ŝi neniam ĉeestis lecionojn pri kantado.

We are the World (Ni estas la mondo) estis la unua kanzono kiun ŝi kantis. Tial ĝi estas tre speciala por ŝi. Ŝia patro tradukis ĝin en la italan ĉar Laura estis malgranda kaj ne komprenis la lingvon.

Je la 12 jaroj ŝiaj Laura kantis unuafoje sola ĉe restoracio en Bolonjo kaj je tiu ĉi aĝo mem, surbendigis ŝian unuan diskon kun la helpo de ŝia patro. En tiu ĉi aĝo Laura komponis sian unuan kanzonon "Lasciarmi Dormire" (Lasi min dormi)

Dum la adoleskanteco Laura daŭre kantis kaj ludis kun la patro sed en 1991 li listigis ŝin en la konkurso Castrocaro. Laura timis partopreni sed tion ŝi faris kaj kvankam en tiu oportuno ŝi ne sukcesis, ŝi konis Marco Maratti-n kaj Angelo Vasiglio-n kaj surbendigis kun ili "La Soletà" (La Soleco)

En 1993, Laŭra Paŭsini konkursis en la Festivalo de San-Remo, Italio kie ŝi gajnis la unuan premion per 7.464 voĉdonoj, de tiam ŝi estis konata en la tuta Italio.

En 1994 ŝi lanĉis sian unuan diskon en la hispana lingvo konsistantan el hispanigita kompilaĵo de italaj kanzonoj de ŝiaj du antaŭaj KD-oj. Tiu ĉi disko disfamigis ŝin en la hispanlingvaj landoj kaj nur en Hispanio ŝi vendis pli ol unu miliono da diskoj.

En 1996 Laura Pausini vendis 350.000 diskojn. Post la diskoj de grandaj sukcesoj de la jaro 2001 ŝi intencis triumfi en la usona merkato per la anglalingva albumo "From the Inside", sed ĝi ne havis la sukceson atenditan de la publiko.

Dum 15 jaroj de ŝia artista kariero Laura Pausini vendis pli ol 40 milionoj da diskoj kaj gajnis pli ol 180 platinaj diskoj, multaj el oro kaj unu el diamanto.

En 2005 ŝi gajnis la premion Grammy, Grammy Latino en la kategorio: Plej Bona Albumo per sia albumo "Escucha" (Aŭskultu).

En oktobro 2006 aperis la singlo "Yo canto" (Mi kantas), versio de la kanzono de Ricardo Cocciante de 1979. La nova kompakta disko enhavas kanzonojn kiel "Estrella gemela" (Ĝemela stelo) de Eros Ramazzotti; "No me lo puedo explicar" (Mi ne povas min ekspliki tion) de Tiziano Ferro kaj aliaj kiel "Mi libre canción" (Mia libera kanzono) de Lucio Battisti, kunkantata kun la kolombia kantisto Juanes.

La 2an de junio 2007 ŝi konvertiĝis en la unua virino kiu kantis en itala futbalstadiono. San Siro (Milano) estas la elektita ejo por ŝia prezentado kien iris pli ol 70.000 personoj.

Diskografio[redakti | redakti fonton]

Albumoj[redakti | redakti fonton]

Jaro Album-Titolo Lando
1993 Laura Pausini Flago-de-Italio.svg Italio
1994 Laura Flago-de-Italio.svg Italio
1996 Le cose che vivi Flago-de-Italio.svg Italio
1998 La mia risposta Flago-de-Italio.svg Italio
2000 Tra te e il mare Flago-de-Italio.svg Italio
2001 The Best of Laura Pausini - E ritorno da te Flago-de-Italio.svg Italio
2003 From the inside Flago-de-Italio.svg Italio
2004 Resta in ascolto Flago-de-Italio.svg Italio
2005 Live in Paris 05 Flago-de-Italio.svg Italio
2006 Io canto Flago-de-Italio.svg Italio
2007 San Siro 2007 Flago-de-Italio.svg Italio
2008 Primavera in anticipo Flago-de-Italio.svg Italio
2009 LauraLive Flago-de-Italio.svg Italio
2011 Inedito Flago-de-Italio.svg Italio
2013 20 – The Greatest Hits Flago-de-Italio.svg Italio

Tradukitaj albumoj por eksterlando[redakti | redakti fonton]

Jaro Album-titolo Lando
1994 Laura Pausini Flago-de-Hispanio.svg Hispanio, Flago-de-Francio.svg Francio
1995 Laura Pausini Flag of the United Kingdom.svg Britio
1996 Las cosas que vives Flago-de-Hispanio.svg Hispanio, Flago-de-Brazilo.svg Brazilo
1998 Mi respuesta Flago-de-Hispanio.svg Hispanio
2000 Entre tú y mil mares Flago-de-Hispanio.svg Hispanio
2001 Lo mejor de Laura Pausini - Volveré junto a ti / The Best of Laura Pausini - E ritorno da te Flago-de-Hispanio.svg Hispanio, Flago-de-Brazilo.svg Brazilo
2002 From the inside Flago-de-Usono.svg Usono, Flago-de-Aŭstralio.svg Aŭstralio, Flago-de-Japanio.svg Japanio
2004 Escucha Flago-de-Hispanio.svg Hispanio
2006 Yo canto / Io canto Flago-de-Hispanio.svg Hispanio, Flago-de-Francio.svg Francio
2008 Primavera anticipada / Primavera in anticipo Flago-de-Hispanio.svg Hispanio, Flago-de-Brazilo.svg Brazilo
2009 LauraLive Flago-de-Hispanio.svg Hispanio
2011 Inédito Flago-de-Hispanio.svg Hispanio
2013 20 – The Greatest Hits Flago-de-Hispanio.svg Hispanio

Eksteraj ligiloj[redakti | redakti fonton]