LibreOffice

El Vikipedio, la libera enciklopedio
LibreOffice
Logotipo

Ekrankopio

Ĉefa fenestro de Libreoffice
Aŭtoro The Document Foundation
Lasta stabila versio 4.3.0[1]
(30-a de julio 2014)
Operaciumo plursistema
Programlingvo C++
Lingvo(j) ankaŭ Esperanto
Programtipo oficeja programaro
Permesilo GNU LGPL
Retejo http://eo.libreoffice.org/
v • d • r

LibreOffice estas libera kaj malfermkoda oficeja programaro kreita de The Document Foundation. Ĝi disponeblas por Vindozo, Mac OS X kaj Linukso. Por Linukso kaj Mac OS X disponeblas versio por 64-bitaj komputiloj.

La celo estas krei sendependan aron da programaroj, kiu subtenas la formaton ODF.

La nomo estas unuiĝo de la franca kaj hispana vorto Libre, kiu signifas "Libera" kaj de la angla vorto Office ("Oficejo"). Ĝi devenas el forko de OpenOffice.org 3.2.1 okazinta la 28-an de septembro 2010 kiam la komunumo de OpenOffice.org decidis fondi fondaĵon aparte de Oracle kiu posedas la nomon OpenOffice.org. La unua stabila versio, la 3.3.0, estas eldonita la 25-an de januaro 2011.

La aplikaĵoj en LibreOffice

LibreOffice estas oficeja programaro konsistanta el aplikaĵoj utilaj por prilabori ĉiajn dosierojn.

Writer Verkilo Dokumentoredaktilo taŭga programo por dosieroj kun tekstoj eĉ multlingvaj kaj aldonaĵoj.
Calc Tabelilo Tabelkalkulilo por fari kalkulon en tabeloj
Impress Prezentilo Prezentilo for fari lumbildojn por ilustri paroladon ktp
Draw Desegnilo Desegnilo por desegni bildojn
Base Datumbazo Datumbazo por organizi datumojn
Math Formulilo por redakti matematikajn formulojn

LibreLogo estas vektora grafika programlingvo, programa medio por Logo - Python, kun interaga testuda vektora grafiko por edukado kaj por perkomputila eldonado. Ĝi estas parto de LibreOffice. En versio 3, LibreLogo estis aldonaĵo[1] al LibreOffice, kaj en versio 4 ĝi fariĝis integra parto de LibreOffice-Verkilo.

Dosierformatoj subtenataj de LibreOffice

LibreOffice kapablas importi kaj eksporti dosierojn en diversaj formatoj [2] . Ĝia propra formato estas Open Document Format (ODF). Ĝi ankaŭ povas legi kaj skribi en la dosierformatoj de Microsoft Office, inkluzive de Office Open XML uzata en Microsoft Office 2007 kaj 2010, kun sufiksoj .docx, .pptx kaj .xlsx, kaj la pli malnovaj formatoj uzataj en Microsoft Office 95 kaj 97-2003, kun sufiksoj .doc, .ppt kaj .xls. Ĝi ankaŭ subtenas je Rich Text-Formato (.rtf) kaj la formato de OpenOffice.org XML.[3]

LibreOffice subtenas makroojn en LibreOffice Basic. Ĝi povas importi dosierojn de MS Works kaj Lotus Word Pro. LibreOffice Draw povas malfermi dosierojn de SVG, dum OpenOffice.org Draw bezonas kromprogramon por tio.[4][5][6] Ĝi subtenas desegnadon per EMF kaj importadon de WordPerfect-grafikaĵoj.

LibreOffice povas eksporti al diversaj neredakteblaj formatoj. Ĉiuj dokumentoj estas eksporteblaj al PDF-formato,[2] kaj prezentaĵoj eksporteblas al Adobe Flash (SWF).[7] LibreOffice ankaŭ kapablas importi dokumentojn en nurlega formato en la Uniform Office Format,[8], Data Interchange Format[8] kaj la formatoj de Microsoft Works,[8] WordPerfect,[8] kaj Lotus 1-2-3.[8]

Versioj

Tuta kronologio de versioj de LibreOffice, ekde la versio 3.3 de OpenOffice, sekvas.

  • LibreOffice 3.3.0 beta 1 - 28-a de septembro 2010
  • LibreOffice 3.3.0 beta 2 - 14-a de oktobro 2010
  • LibreOffice 3.3.0 beta 3 - 17-a de novembro 2010
  • LibreOffice 3.3.0 RC 1 - 5-a de decembro 2010
  • LibreOffice 3.3.0 RC 2 - 23-a de decembro 2010
  • LibreOffice 3.3.0 RC 3 - 13-a de januaro 2011
  • LibreOffice 3.3.0 RC 4 - 20-a de januaro 2011
  • LibreOffice 3.3.0 - 25-a de januaro 2011
  • LibreOffice 3.3.1 - 23-a de februaro 2011
  • LibreOffice 3.3.2 - 22-a de marto 2011
  • LibreOffice 3.3.3 - 16-a de junio 2011
  • LibreOffice 3.3.4 - 17-a de aŭgusto 2011
  • LibreOffice 3.4.0 - 3-a de junio 2011
  • LibreOffice 3.4.1 - 1-a de julio 2011
  • LibreOffice 3.4.2 - 1-a de aŭgusto 2011
  • LibreOffice 3.4.3 - 31-a de aŭgusto 2011
  • LibreOffice 3.4.4 - 9-a de novembro 2011
  • LibreOffice 3.4.5 - 16a de januaro 2012
  • LibreOffice 3.4.6 - 22a de marto 2012
  • LibreOffice 3.5.0 - 14-a de februaro 2012
  • LibreOffice 3.5.1 - 15-a de marto 2012
  • LibreOffice 3.5.2 - 5-a de aprilo 2012
  • LibreOffice 3.5.3 - 2-a de majo 2012
  • LibreOffice 3.5.4 - 30-a de majo 2012
  • LibreOffice 3.5.5 - 11-a de julio 2012
  • LibreOffice 3.5.6 - 15-a de aŭgusto 2012
  • LibreOffice 3.5.7 - 18-a de oktobro 2012
  • LibreOffice 3.6.0 - 8-a de aŭgusto 2012
  • LibreOffice 3.6.1 - 29-a de aŭgusto 2012
  • LibreOffice 3.6.3 - 1-a de novembro 2012
  • LibreOffice 3.6.4 - 5-a de decembro 2012
  • LibreOffice 3.6.5 - 30-a de januaro 2013
  • LibreOffice 4.0.0 - 7-a de februaro 2013
  • LibreOffice 4.0.1 - 6-a de marto 2013
  • LibreOffice 4.0.2 - 4-a de aprilo 2013
  • LibreOffice 4.0.3 - 9-a de majo 2013
  • LibreOffice 4.0.4 - 19-a de junio 2013
  • LibreOffice 4.1.0 - 25-a de julio 2013
  • LibreOffice 4.1.1 - 29-a de aŭgusto 2013
  • LibreOffice 4.1.2 - 4-a de oktobro 2013
  • LibreOffice 4.1.3 - 1-a de novembro 2013
  • LibreOffice 4.1.4 - 18-a de decembro 2013
  • LibreOffice 4.1.5 - 11-a de februaro 2014
  • LibreOffice 4.2.0 - 30-a de januaro 2014
  • LibreOffice 4.2.1 - 20-a de februaro 2014
  • LibreOffice 4.2.2 - 13-a de marto 2014
  • LibreOffice 4.2.3 - 10-a de aprilo 2014
  • LibreOffice 4.2.4 - 8-a de majo 2014
  • LibreOffice 4.2.5 - 20-a de junio 2014
  • LibreOffice 4.2.6 - 31-a de julio 2014
  • LibreOffice 4.3.0 - 30-a de julio 2014

LibreOffice en Esperanto

Internacia skipo de volontuloj esperantigas ĝin. Ĉiuj versioj de LibreOffice havas esperantigitan uzinterfacon, kaj la helpo estas parte tradukita. [9] LibreOffice havas teamojn por pli ol cent lingvoj.[10]

Farotaj funkcioj

En 2011 oni anoncis planojn porti je LibreOffice al kaj Android kaj iOS.[11]

LibreOffice Online (konektita) ebligos uzi je LibreOffice per TTT-foliumilo uzante la kanvasan elementon. Programado daŭras kaj ne ankoraŭ publikiĝis.[11]

Uzantoj

La Document Foundation (TDF) taksis en septembro 2011, ke 10 milionoj da uzantoj tra la mondo akiris je LibreOffice elŝute, aŭ per KD aŭ DVD. Pli ol 90% el tiuj prenis la Vindozan version, kaj aliaj 5% la Makintoŝan version.

LibreOffice estas la plej ofta elekto por multaj distribuaĵoj de Linukso, kaj instaliĝas kiam oni instalas aŭ aktualigas. Laŭ taksoj de IDC por novaj aŭ ĝisdatigitaj linuksaj instalaĵoj en 2011, TDF takstis 15 milionojn da linuksuzantoj. Tial proksimume 25 milionoj da uzantoj ekzistas.[12]

La TDF celas al 200 milionoj da uzantoj mondskale ĝis la fino de 2020.[12]

Notoj

  1. ↑ LibreOffice Release Notes (angle). The Document Foundation (2014-07-30). Alirita 2014-07-30.
  2. ↑ 2,0 2,1 Features (27an aŭguston 2012).
  3. ↑ Common/XML File Formats — LibreOffice Help. Help.libreoffice.org. Alirita 18an de Novembro 2011.
  4. ↑ SVG Import Filter - OpenOffice.org wiki
  5. ↑ SVG Import Extension - OpenOffice.org repository for extensions
  6. ↑ SVG Tiny Import/Export (does not work with OOo 3.1) - OpenOffice.org repository for extensions
  7. ↑ Impress Features. LibreOffice. Alirita 16a de Novembro 2011.
  8. ↑ 8,0 8,1 8,2 8,3 8,4 File formats — Apache OpenOffice.org Wiki. Wiki.services.openoffice.org. Alirita 18an de Novembro 2011.
  9. ↑ http://eo.libreoffice.org/
  10. ↑ https://translations.documentfoundation.org/eo/
  11. ↑ 11,0 11,1 Ryan Paul. LibreOffice gaining momentum, heading to Android, iOS, and the Web. Alirita 17an de Oktobro 2011.
  12. ↑ 12,0 12,1 The Document Foundation celebrates its first anniversary. The Document Foundation Blog. Alirita 28an de Septembro 2011.

Vidu ankaŭ

Portala ikonoPortalo pri Libera programaro

Eksteraj ligiloj

Ŝablono:LigoElstara Ŝablono:LigoLeginda

Elŝutita el "https://eo.wikipedia.org/w/index.php?title=LibreOffice&oldid=5513922"