Lokiga kodo de Unuiĝintaj Nacioj

El Vikipedio, la libera enciklopedio
Saltu al: navigado, serĉo

La lokiga kodo de Unuiĝintaj Nacioj - angle en plena nomo United Nations Code for Trade and Transport Locations, mallonge UN/LOCODE, france Code des Nations Unies pour emplacements de commerce et de transport, ruse международная система классификации географических объектов - estas geografia lokiga kodo ellaborita de la Ekonomia komisiono de Unuiĝintaj Nacioj por Eŭropo. Ĝi konsistas el kvin karaktroj, el kiuj la unuaj du estas landokodo laŭ la normo ISO 3166-1, kaj la lastaj tri individua kodo de la koncerna loko.

La unua eldono de la kodaro en 1981 enhavis kodojn por 8 000 lokoj. La versio de 2011 enhavis kodojn por proksimume 82 000 lokoj. La kodoj limiĝas al lokoj kun aparta signifo por ekonomio kaj trafiko, precipe al lokoj kun marhavenoj, flughavenoj (tiukaze la tri lastaj karaktroj kutime identas al la IATA-kodo), fervojaj stacidomoj, nodopunktoj de internaciaj aŭtovojoj, limpasejoj kaj ceteraj aparte grandaj urboj en 235 landoj.

Krom la kvinliteraj kodoj, la koncernaj listoj ankaŭ proponas simpligitan ortografion de la celataj lokoj, latinliteraj sen ajnaj diakritaj signoj.

Ekzemploj[redakti | redakti fonton]

LOCODE lando loko loknomo en lista formo sen diakritaj signoj
AT VIE Flago-de-Aŭstrio.svg Aŭstrio Vieno Wien
BE BRU Flago de Belgio malpli alta.svg Belgio Bruselo Brussel
CH BRN Flago-de-Svisio.svg  Svislando Berno Bern
DE BER Flago-de-Germanio.svg Germanio Berlino Berlin
LI VDZ Flago-de-Liĥtenŝtejno.svg Liĥtenŝtejno Vaduzo Vaduz
LU LUX Flago-de-Luksemburgio.svg Luksemburgo Luksemburgo Luxembourg
NL AMS Flago-de-Nederlando.svg Nederlando Amsterdamo Amsterdam
SE GOT Flago-de-Svedio.svg Svedio Gotenburgo Goteborg
US NYC Flago-de-Usono.svg Usono Novjorko New York City