Lordo-Urbestro de Londono

El Vikipedio, la libera enciklopedio
Saltu al: navigado, serĉo
La nuna Lordo Urbestro de Londono, Sir John Stuttard, dum la parado de la 11-a de novembro 2006.

La Lordo Urbestro de Londono (anglalingve Lord Mayor of London) estas la urbestro de la kvartalo City en Londono, kaj plie estras la Korporacio de Londono. La Lordon Urbestron oni ne konfuzu kun la urbestro de Londono : la unua estas oficisto nur en City, dum la urbestro administras la multe pli vastan areon de la Granda Londono. Ene de la kvartalo City, la Lordo Urbestro ĝuas privilegiojn kaj variajn, specialajn rajtojn.

La Lordo Urbestro estas balotita ĉiujare je la fino de septembro aŭ je la komenco de oktobro, kaj li enoficiĝas en novembro. Dum la tago, kiu sekvas lian enoficiĝon, la Lordo Urbestro, akompanate de procesio, trairas la urbon ĝis Westminster por ĵuri fidelecon al la brita monarko, en ĉeesto de la juĝistoj de la Alta Korto de Anglio kaj Kimrio.

La rolo de la Lordo Urbestro estas pli ceremonia kaj socia ol politika, kvankam li ja vojaĝas eksterlanden por disvolvi la ekonomion de Londono. La nuna Lordo Urbestro estas S-ro Alan Yarrow.