Loyola de Palacio

El Vikipedio, la libera enciklopedio
Saltu al: navigado, serĉo
Loyola de Palacio del Valle-Lersundi

Loyola DE PALACIO Y DEL VALLE-LERSUNDI (naskiĝis la 6-an de septembro 1950 en Madrido en aristokrata eŭska familio kaj mortis la 13-an de decembro 2006) estis hispana politikistino.

Ŝi estis inter la unuaj virinoj, kiuj publike ekagadis post la morto de Generalo Franco dum 1975, kaj estis la unua ĝenerala sekretario de la junulara branĉo de la Popola Partio.

Ŝi estis ministrino en la hispana registaro de 1996 ĝis 1998, en la registaro de José María Aznar.

En 1999 ŝi fariĝis la ĉefkandidato de sia partio al la tiujaraj elektoj al la Eŭropa Parlamento. kaj poste inter alie estis komisaro en la Eŭropa Komisiono Prodi, kiu gvidis la Eŭropan Union de la 16-a de septembro 1999 (post la demisio de la antaŭa Komisiono Santer) ĝis la 31-a de oktobro 2004. En la Eŭropa Komisiono, ŝi estis vicprezidanto kaj respondecis pri la fakoj de rilatoj kun la Eŭropa Parlamento, transportado kaj energio.

Eksteraj ligiloj[redakti | redakti fonton]