Lubbock
Lubbock estas grandurbo en Usono, en subŝtato Teksaso, en distrikto same nomata Lubbock. La moknomo de Lubbock estas la "Hub City". La urbego estas hejmo de 2 universitatoj.
Bazaj informoj
- Koordinatoj: 33° 34′ N 101° 53′ U / 33.567 °N, 101.883 °U (mapo)Koordinatoj: 33° 34′ N 101° 53′ U / 33.567 °N, 101.883 °U (mapo)
- Areo: 320 km²
- Loĝantaro: 229.573 (en 2010)
- Supermara alteco: 992 m
- Horzono: UTC-6h (en somero UTC-5h)
- Poŝtkodo: 79401-79416, 79423, 79424, 79430, 79452, 79453, 79457, 79464, 79490, 79491, 79493, 79499
- Telefonkodo: 806
Geografio
Lubbock situas sur altebenaĵo en la suda landparto de Usono, en la nordokcidenta parto de Teksaso.
Historio
La distrikto de Lubbock estis fondita en 1876, nomita post Thomas Saltus Lubbock, iama specialpolicano. En 1884 la poŝto ekfunkciis. La urbo mem ne estis fondita ĝis 1890, ĉar pli frue 2 setlejoj "Old Lubbock" kaj "Monterey" etendiĝis. Laŭ alia informo la urbo kaj la universitato prenis la nomon de Francis Lubbock, kiu estis ŝtatestro de Teksaso. En 1951 la loĝantoj ekvidis V-forman misteran lumfenomenon. En 1970 granda ŝtormo trafis la urbegon, dudek ses homoj mortis.
Ekonomio
Ĉirkaŭaĵo de Lubbock estas la plej granda kotonokultivejo en la mondo. La kampoj estas akvumitaj. En la urbo multe da homoj laboras en la edukado. Gravas ankaŭ la butikumado.
Trafiko
Lubbock havas internacian flughavenon. Aŭtoŝoseo kuras al Amarillo, ĉefvojoj kuras al Dallas, Odessa (Teksaso), Wichita Falls, Clovis, fervojaj linioj kuras al Houston, Clovis, Amarillo. En la urbo aŭtobusoj liveras la pasaĝerojn.
Klimato
Lubbock havas mildan dezertan klimaton. La temperaturo averaĝe varias inter 8-23 °C. La varmo kulminas en junio kun rekordo 46 °C, la malvarmo kulminas en januaro kaj februaro kun rekordo - 27 °C. Jare pluvas po 475 mm. En ĉiuj monatoj pluvas, plej ofte en junio, plej malofte januare.
Vidindaĵoj
- muzeo pri bienoj
- Muzeo de Teksaso Universitato
- memormuzeo pri Buddy Holly
- parko Mackenzie
Ĝemelurboj
Fontoj
- Képes Világatlasz ISBN 963 8475 38 2
- Anglalingva Vikipedio