Lubumbashi

Lubumbaŝo aŭ Lubumbashi estas milionurbo, provinca ĉefurbo kaj universitata urbo en la mineralriĉa plej suda provinco Supra Katanga de la Demokratia Respubliko Kongo (eksa Zairio), en la tiel nomata kupro-zono, kun kupraj kaj uraniaj ercoj. Dum dominado de belgoj la oficialaj loknomoj estis Élisabethville kaj Elisabethstad.

Blazono de Lubumbashi

Situo de Lubumbaŝo en Kongo D.R.

Bazaj informoj

Interna urbo de Lubumbashi

Preĝejo en Lubumbashi

Banko en Lubumbashi

• Areo: 747  km²
• Alto super marnivelo: 1208 m
• Loĝantaro: 1.630.186 (en 2010)
• Poŝtkodo:
• Aŭtokodo:
• Telefonprefikso:
• Horzono: UTC+2
• 11°40′11″S 27°27′29″O

Geografio

Lubumbashi troviĝas en suda parto de la lando proksime de Zambio.

Historio

Belgoj fondis Élisabethville-on en 1910. La urbo prosperis pro la riĉa kuprominado. En 1941 strikookazis. En 1955 universitato fondiĝis. Élisabethville funkciis, kiel ĉefurbo de la tiam memproklamita sendependa ŝtato Katango dum la sanga interna milito inter 1960-1963. En 1997 la urbo denova travivis pli novan internan militon.

Ekonomio

Lubumbashi estas grava komerca kaj industria centro. Oni okupiĝas pri teksaĵoj, nutraĵoj, sed la plej grava estas la peza industrio (minado kaj fandado).

Trafiko

Lubumbashi situas ĉe kruciĝo de trajnoj. La urbo havas ankaŭ internacian flughavenon.

Klimato

En Lubumbashi la averaĝa temperaturo varias inter 18 kaj 25 °C. La varmo kulminas en septembro, malkulminas en junio. Jare pluvas po 1240 mm. Inter majo-septembro neniam aŭ apenaŭ pluvas. La pluvo kulminas inter decembro-februaro.

Vidindaĵoj

• romkatolika preĝejo omaĝe al Sankta Petro kaj Sankta Paŭlo
• botanika ĝardeno
• bestoĝardeno
• muzeo
• universitata biblioteko

Ĝemelurboj

• Lieĝo (urbo), Belgio

Esperantistoj

• Matthieu Kasongo Diemo

Vidu ankaŭ

• Centra-zambezaj mjombaroj

Fontoj

• Angla Vikipedio
• vetero
• mapo