Luiza de Meklenburgo-Strelitz

El Vikipedio, la libera enciklopedio
Saltu al: navigado, serĉo
La princino Luiza en 1797
Aŭtografo de la reĝino
La princino kun sia fratino (monumento de Schadow)

Luiza, princino de Meklenburgo, germane Luise, Prinzessin zu Mecklenburg(-Strelitz), plena nomo Luise Auguste Wilhelmine Amalie, dukino de Meklenburgo (nask. la 10-an de marto 1776 en Hanovro; mortis la 19-an de julio 1810 en kastelo Hohenzieritz) estis kiel edzino de reĝo Frederiko Vilhelmo la 3-a de Prusio reĝino de Prusio.

Laŭ samtempuloj ŝi estis bela kaj gracia, ŝiaj kondutmanieroj ŝajnis al ili pli burĝaj ol aristokrataj. Ŝia vivo intime rilatas al la dramaj okazaĵoj ligitaj al la lukto de Prusio kontraŭ Napoleono 1-a. Ĉar ŝi june mortis, ŝi restis juna kaj bela en la kolektiva memoro de la postaj generacioj. Jam dumvive ŝi fariĝis objekto de preskaŭ kulta honorigo. Post ŝia morto tiu tendenco eĉ plifortiĝis. Ŝi fariĝis simbolo por la restarigo de Prusio kaj la evoluo al la Germana Imperiestra Regno. Tiumaniere ŝia historia graveco forte superis la faktan influon, kiun ŝi dumvive havis kiel reĝino de Prusio.

Bildaro[redakti | redakti fonton]

Eksteraj ligiloj[redakti | redakti fonton]

Literaturo de kaj pri Luiza de Meklenburgo-Strelitz en katalogo de la Germana Nacia Biblioteko