Luksemburgo (lando)
Ĉi tiu artikolo temas pri la ŝtato Luksemburgio. Por aliaj signifoj vidu la artikolon Luksemburgo (apartigilo).
Luksemburgo (aŭ Luksemburgio) estas lando en okcidenta Eŭropo, kiu situas inter Francio, Belgio kaj Germanio. Ĝi estas la sola sendependa grandduklando en la mondo.
-
La urbo Luksemburgo -
La kastelo de Vianden -
La kastelo de Clervaux (Clerf)
Nomo
Ĉar la ĉefurbo de la lando nomiĝas Luksemburgo, oni foje en Esperanto emas distingi la landon nomante ĝin Luksemburgio. Aliaj preferas la nomon Luksemburgo ankaŭ por la lando, argumenante per neinternacieco kaj nefundamenteco de la sufikso "i". La loĝantojn oni respektive nomas ĉu luksemburganoj ĉu luksemburgianoj.
Geografio
Ĉefaj urboj
- Luksemburgo (82 mil),
- Esch-sur-Alzette (28 mil),
- Differdange (19 mil),
- Düdelingen (18 mil).
Administra divido
3 provincoj kun 12 kantonoj.
Vidu artikolon Administra divido de Luksemburgio.
Historio
Ekde la jaro 963 Luksemburgo estis graflando, en 1354 ĝi iĝis duklando kaj en 1815 grandduklando sub Vilhelmo la 1-a. Sekve de la Traktato de Londono (1839) Luksemburgo estis dividita en du partoj. La franclingva okcidenta parto estis donacita al Belgio kaj tie iĝis la provinco Luksemburgo. La orienta luksemburglingva parto restis en persona unio kun Nederlando. Tiu ĉi ligo finiĝis en 1890, en la jaro kiam mortis Vilhelmo la 3-a, kiu ne havis virajn posteulojn.
De 1921 ĝi estas en ekonomia-dogana unio kun Belgio.
Luksemburgo estis uzurpita de Germanio dum la du mondmilitoj. En 1948 oni deprenis el la konstitucio la artikolon pri la neŭtraleco. En la sama jaro Luksemburgo aliĝis al Benelukso kaj la postan jaron al NATO. En 1957 la ŝtato estis unu el la ses fondintoj de Eŭropa Ekonomia Komunumo (la postaj Eŭropa Komunumo kaj Eŭropa Unio. En 1999 ĝi aliĝis al la Eŭrozono.
| ||||||||||||||||||||
Loĝantaro
459 mil (1 januaro 2006), inter ili 75,1% luksemburganoj, 6,3% italoj.
- Eksporto: fero, ŝtalo, tekstilindustria produktaĵo, kemiaĵoj, plasto.
- Pokapa Malneta enlanda produkto: 41.210 $.
- Monunuo: eŭro EUR ( = 100 cendoj)
- Organizaĵoj: UN (1945), EU
Esperanto en Luksemburgo
Vidu Esperanto-movado
Vidu ankaŭ
| ||||||||
| ||||||||
Eksteraj ligiloj
greke Paĝaro de Luksemburgo greke Paĝaro de la ŝtata registaro