Majo no takkyūbin

El Vikipedio, la libera enciklopedio
(Alidirektita el Maĝo no takkjubin)
Saltu al: navigado, serĉo
"Eksprespoŝto per Sorĉistino"
Originala titolo 魔女の宅急便
[Majo no takkyūbin]
Produktadlando Japanio
Originala lingvo japana
Daŭro 102 minutoj
Ĝenro animeo
Reĝisoro(j) Hayao Miyazaki
Scenaro Miyazaki Hayao
Muziko Joe Hisaishi
Produkto Studio Ghibli
IMDb
v  d  r
Information icon.svg

Majo no takkyūbin‎ (japane: 魔女の宅急便, [maĵono takjubin], laŭvorte: "Eksprespoŝto per sorĉistino") estas japana animacia filmo de Studio Ghibli publikigita en 1989.

La reĝisoro estis Hayao Miyazaki. La muzikon por tiu filmo komponis Joe Hisaishi.

Intrigo[redakti | redakti fonton]

La 13-jaraĝa junulino Kiki estas posteulo de sorĉistinoj kiel sia patrino, kaj devas nun foriri de siaj gepatroj kaj vivi sole dum unu jaro en fremda urbo por iĝi vera sorĉistino. La filmo rakontas la adventurojn de Kiki, kiam ŝi fariĝas memstara.

Ĉefaj roluloj[redakti | redakti fonton]

  • Kiki (jap. キキ [kiki])
La 13-jaraĝa knabino Kiki estas la protagonisto de tiu filmo. Ŝia sorĉa talento estas de flugi sur balailo, kaj nun ŝi devas lerni memstarecon kaj memfidon.
  • Jiji (jap. ジジ [ĵiĵi])
La nigra virkato de Kiki, kun kiu Kiki povas komuniki.
  • Ursula (jap. ウルスラ [urusura])
Pentristino, kun kiu Kiki amikiĝas. Estas kiel malplijuna fratino por Kiki.
  • Tombo (jap. トンボ [tombo])
Junulo kies sonĝo estas de flugi kiel birdo.
  • Osono (jap. オソノ [osono])
Ĝentila bakistino en kies domo Kiki trovas novan hejmon.
  • Altaĝulino (jap. 老婦人 [rofuĵin])
Ĝentila klientino de Kiki, kiu vivas kun alia altaĝa virino en granda domo.
  • Patrino de Kiki (jap. キキの母 [kiki no haha])
Sorĉistino specialita por fari kuracilajn pociojn. Ŝi kaj ŝia edzo malkvietas pri Kiki kiel normalaj gepatroj.

Filmo[redakti | redakti fonton]

La filmo "Majo no takkyūbin" aperis en la japanaj kinejoj en 1989, en la jarfino de 1989 ĝi aperis ankaŭ en LD kaj dum multaj jaroj estis konata kaj fama nur en Japanio. En 1998 tiu filmo aperis ankaŭ en Usonaj kinejoj sinkronigitaj de la Studioj de "Disney" kaj poste aperis en DVD. La filmo estis la unua de Studio Ghibli aperinta sub la "Ghibli" kaj "Disney" kontrakto. Poste la filmo estis voĉtradukita en multajn lingvojn.

Titolo en aliaj lingvoj[redakti | redakti fonton]

lingvo titolo signifo
angla Kiki's Delivery Service (la) livera servo de Kiki
ĉeĥa Doručovací služba slečny Kiki (la) livera servo de fraŭlino Kiki
finna Kikin lähettipalvelu (la) kuriera servo de Kiki
franca Kiki la petite sorcière Kiki, la malgranda sorĉistino
germana Kikis kleiner Lieferservice (la) malgranda livera servo de Kiki
hispana (hispanujo) Nicky, la aprendiz de bruja Nicky [=Kiki], la sorĉista trajnatino
hispana (ameriko) Kiki, entregas a domicilio Kiki, liveroj al loĝejo
itala Kiki consegne a domicilio Kiki liveras al loĝejo
japana 魔女の宅急便, Majo no takkyūbin‎ eksprespoŝto per sorĉistino
kroata Kikin servis za dostavljanje (la) kuriera servo de Kiki
normĉina 魔女宅急便, Mónǚ zháijíbiàn sorĉistina eksprespoŝto
sveda Häxans budfirma (la) ordon-firmao de la sorĉistino
korea 마녀 배달부 키키, Manyeo baedalbu Kiki Kiki, sorĉa liverstino

Libroj[redakti | redakti fonton]

En 1989 en Japanio aperis ankaŭ la kolorplena kvar-voluma filmkomikso pri Majo no takkyūbin eldonita de Tokuma Shoten.