Maŭricio
- Por samtitola artikolo vidu la paĝon Maŭricio (Kebekio).
Maŭricio (angle: Mauritius) estas lando de insuloj en la Hinda Oceano.
Tie vivis iam la formortinta grandega nefluganta dido, kiu ne povis flugi kaj pereis, kiam homoj komencis vivi tie. La ĉefurbo estas Port-Luiso. La popolo konsistas ĉefe el homoj devenaj el Barato kaj Madagaskaro. Religioj estas pluraj, sed kunekzistas harmonie.
- Landkodo: MU.
- Areo: 2.045 kv.km.
- Politika sistemo: respubliko.
- Ŝtatestro: prezidento Kailash Purryag (ekde 2012).
- Ĉefministro: Navin Ramgoolam (ekde 2005)
- Ĉefurbo: Port-Luiso (407 mil).
- Loĝantaro: 1.128 mil (1995).
- Ŝtatlingvo: angla.
- Kapa MNP: 3.380 $.
- Valuto: Maŭricia rupio.
Enhavo |
Geografio[redakti]
Maŭricio estas parto de la ekologia regiono Sejŝelaj kaj maskarenaj humidaj arbaroj.
Urboj de Maŭricio[redakti]
- Port-Luiso: 155 000 loĝ.
- Vacoas-Phoenix: 107 600 loĝ.
- Beau Bassin-Rose Hill: 96 000 loĝ.
- Quatre Bornes: 81 700 loĝ.
- Curepipe: 81 600 loĝ.
- Quartier Militaire: 32 600 loĝ.
- Mahébourg: 15 700 loĝ.
- Bambous: 13 600 loĝ.
- Moka: 8 800 loĝ.
- Grand Baie
Ekstera politiko[redakti]
Maŭricio apartenas al la AKP-ŝtatoj, internacia organizaĵo de momente 77 nacioj el la regionoj Afriko, Karibio kaj la Pacifika Oceano.
La lingvoj de Maŭricio[redakti]
Gravaj lingvoj krom la angla kaj la franca estas:
- Kreol Morisyen – maŭricia kreola lingvo, evoluinta el la franca
- Bhojpuri – la bojpura lingvo, lingvo kiu devenas el Barato
- Tamil – la tamila lingvo, lingvo kiu devenas el Barato
- Urdu – la urdua lingvo, lingvo kiu devenas el Barato kaj Pakistano.
La lingva situacio de la malgranda insulo estas tre kompleksa. La angla estas la oficiala lingvo de la parlamento, de la trafik-reguligo kaj de la lerneja administrado, sed nur 3 procentoj de la loĝantaro parolas ĝin. La franca lingvo estas la gepatra de la francoj-maŭricianoj. Ĝin ankaŭ uzas la amasinformiloj. 80 procentoj de la gazetoj estas en la franca. La maŭricia kreola lingvo estas la nacia lingvo, parolata de la plimulto de la maŭricianoj. Preskaŭ la tuta loĝantaro scipovas kaj uzas la kreolan por komuniki. La plej multaj vortoj de tiu lingvo havas francan originon, pli ol 150 devenas de la angla, pli ol 50 de barataj lingvoj kaj kelkaj vortoj el la malagasa kaj el la ĉina.
Egale al multaj kreolaj lingvoj sur franca bazo, ankaŭ la maŭricia ofte kunigas artikolon kaj vorton; ekzemple: "liver" (vintro) devenas de "l'hiver" kaj la origino de "dilo" (akvo) estas "de l'eau". Prononco de kelkaj konsonantoj iom diverĝas de la franca lingvo; ekz: en "dimanche" (dimanĉo) la fina sono "ŝ" fariĝas "s" kaj en "jambon" (ŝinko) la komenca sono "ĵ" fariĝas "z".
Esperanto-muziko en Maŭricio[redakti]
- Mary-Jane Gaspard; stilo segao; kanto: Nur Amiko
- Negro Pou la Vi (Nigra por la vivo); stilo regeo; kanto: La Persisto
Gazetaro[redakti]
Vidu ankaŭ[redakti]
Eksteraj ligiloj[redakti]
- http://www.islandinfo.mu
- http://www.gov.mu (Registaro de Maŭricio)
- http://www.mauritius.net
- http://mbc.intnet.mu
- Retejo pri Kreol Morisyen
-
Mapo de Maŭricio
-
Altoj super marnivelo
-
Emblemo de Maŭricio
|
||||
