Konsilio de Madrido

Placo de la Vilaĝo, sidejo de la Urbodomo.

La Konsilio de Madrido - en la hispana Ayuntamiento de Madrid - estas la institucio, kiu okupiĝas pri la regado de la urbo kaj municipo Madrido (Hispanio). Ĝi estas prezidata de la urbestro de Madrido, kiu ekde 1979 estas demokratie elektata. Nuntempe ĝia urbestro estas Alberto Ruiz-Gallardón, el la partio Partido Popular.

La organo rezidas en konstruaĵo ĉe la Placo de la Vilaĝo, kvankam diversaj municipaj institucioj (ekz. la urbestreco en la Palaco de Komunikaĵoj) kaj la pluraj konsilejoj kaj municipaj servoj troviĝas dise tra la tuta urbo.

Palaco de Komunikaĵoj de Madrido, sidejo de la Urbestreco de Madrido.

Registaraj organoj

Centra registara konsilio

La Registara Konsilio de Madrido okupiĝas pri la administrado de la municipaj impostoj, por financi la publikajn servojn kaj la konstruadon de infrastrukturoj. Ĝi estas prezidata de la urbestro.

Distriktaj municipaj konsilioj

La urbo Madrido politike dividiĝas en 21 distriktojn, kiuj samtempe estas regataj de municipaj konsilioj. Tiuj ĉi organoj okupiĝas pri la regado je loka nivelo, ĉar la regado de urbo kia Madrido estas kvazaŭ neebla pro tiom granda loĝantaro je centralizita maniero. Oni devas rimarki, ke unu sola el tiuj distriktoj povas havi pli da loĝantoj ol iu ajn provinca ĉefurbo.

Nuntempe la distriktoj de la urbo estas la sekvaj (tamen, ili estas reorganizotaj):

Mapo de la rezultoj de la hispanaj municipaj rezultoj de 2007 en la urbo Madrido. Ruĝaj estas la distriktoj kun plimulto al PSOE, bluaj kun plimulto al Partido Popular.

1. Centro
2. Arganzuelo
3. Retiro
4. Salamanko
5. Ĉamartino
6. Tetuano
7. Ĉamberio
8. Fuenkaral-Pardo
9. Monkloo-Aravako
10. Latino
11. Karabanĉelo
12. Usero
13. Ponto de Valjeko
14. Moratalazo
15. Linia Urbo
16. Hortalezo
17. Vilaverdo
18. Valjeko
19. Vikalvaro
20. San-Blazo
21. Baraĥo

Eksteraj ligiloj

• Hejmpaĝo de la Madrida Urbodomo