Maison Blanche (pariza metrostacio)
| Maison Blanche | ||||
|---|---|---|---|---|
 Kajoj de stacio Maison Banche sur linio 7
| ||||
| metrostacio • subtera stacio • proponita fervoja stacidomo | ||||
| Lokigo | ||||
| Lando | Francio | |||
| Urbo | Parizo | |||
| Arondismento | 13-a | |||
| Geografia situo | 48° 49′ 20″ N, 2° 21′ 31″ O (mapo)48.8221552.358531Koordinatoj: 48° 49′ 20″ N, 2° 21′ 31″ O (mapo) | |||
| ||||
 Maison Blanche | ||||
| Ecoj | ||||
| Tarifa zono | 1 | |||
| Jara trafiko | 2 155 971 (2011) | |||
| Historio | ||||
| Malfermo | 7-a de marto 1930  26-a de aprilo 1931 
| |||
| Administrado kaj utiligado | ||||
| Proprietulo | RATP | |||
| Trafikanto | RATP | |||
| Kodo | 1409 | |||
| Metro-linio |
| |||
Maison Blanche estas stacio de la linio 7 de la Metroo de Parizo, en la 13-a arondismento de Parizo.
La stacio
Ĝi estas la lasta haltejo antaŭ la disbranĉiĝo de la linio inter la flava branĉo kiu iras al Ivry-sur-Seine kaj la blua kiu iras al Villejuif.
Estis delonge antaŭplanite realigi konekton kun linio 14, plilongigante tiun ĉi trans stacio Olympiades. Tiu projekto restas studata por la ligne bleue du Grand Paris Express (blua linio de Grand-Pariza Ekspreso) kiel opcia stacio[1].
En 2011, 2 155 971 vojaĝantoj eniris en tiun stacion[2].
Situo
La stacio situas sub Avenuo d'Italie, inter Strato Caillaux kaj Strato Bourgon, proksime al porte d'Italie.
Deveno de la nomo
Tiu kvartalo de Parizo ŝuldas sian nomon al gastejo nomita « Maison Blanche » (Domo Blanka). Strato situanta proksime al stacio Tolbiac ankaŭ havas la nomon Maison-Blanche.
Historio
- 7-a de marto 1930: malfermiĝo de la stacio, en plilongigo al Linio 10 inter Place d'Italie kaj Porte de Choisy.
- 26-a de aprilo 1931: transiro al Linio 7
- 6-a de oktobro 1995: Atenco farita de alĝeria islamisma grupo (GIA) kun entute 18 vunditoj[3]. La elekto de tiu celo verŝajne rezultas el cirkonstancoj de arestado de Khaled Kelkal, unu el la ĉefaj instigantoj de atenco de RER B en Saint-Michel. La 29-an de septembro 1995, dum lia arestado, ĝendarmoj mortigis lin en loko nomita Maison Blanche apud Vaugneray (Rhône).
Kontraŭ-gasa ŝirmejo
Maison Blanche estis unu el la du stacioj ekipitaj, ekde sia konstruado, por fariĝi ŝirmejo kontraŭ ĥemiaj atakoj[4]. La dua stacio estis Place des Fêtes[5].
La tunelo tiam estis ekipita de aer-imunaj pordoj[6] kiuj ebligus al homoj rifuĝi en la stacio en kazo de atako. Almenaŭ du el tiuj pordoj ankoraŭ restas en la tunelo[4] proksime al la stacio.
Alirejoj
- Avenuo d'Italie: du ŝtuparoj en n-ro 119, Avenuo d'Italie
- Strato du Tage: ŝtuparo en n-ro 162, Avenuo d'Italie
- Strato de la Vistule: ŝtuparo en n-ro 103, Avenuo d'Italie
- Strato Bourgon: ŝtuparo en n-ro 144, Avenuo d'Italie
Interkonektoj
RATP 47
Proksime
- Kvartalo de la Maison-Blanche
- Ĉina kvartalo
Referencoj
- ↑ Blua linio - Société du Grand Paris
- ↑ Entrants annuels provenant de l'extérieur de la station (voie publique, correspondances bus, réseau SNCF, etc.), sur le site data.ratp.fr.
- ↑ Attentats de 1995: Ramda jugé à Paris
- ↑ 4,0 4,1 Le métro de Paris, Julian Pepinster, éditions "La Vie du Rail", page 233
- ↑ Le métro de Paris, Julian Pepinster, éditions "La Vie du Rail", page 223
- ↑ Photo des portes de défense passive, construites en 1936, à la station Maison Blanche, sur fr.topic-topos.com.
Vidu ankaŭ
