Makó

Makó [mako:] estas urbo kaj kuracbanloko en Hungario, administra centro de la subregiono Makó. Ĝi situas en la departemento Csongrád ene de la regiono Suda ebenaĵo.

Urbocentro de Makó

Bulbo el Makó signifas kvaliton

Teatro de Makó nomata "bulbodomo"

Enhavo

1 Bazaj informoj
2 Situo
3 Historio
4 Vidindaĵoj
5 Famuloj
6 Ĝemelurboj
7 Esperanto-movado

Bazaj informoj [redakti]

Areo: 229 km²
Loĝantaro: 25.600
Poŝtkodo: 6900
Telefonprefikso: 62

Situo [redakti]

La urbo situas sur ebenaĵo, ĉe dekstra bordo de Maros, oriente de Szeged, proksime al la landlimo kun Rumanio, laŭ ĉefvojo Szeged-Arad. Antaŭ jaroj estis ankaŭ fervojo en la sama direkto, nun jam nur estas restaĵo de tio ĝis Makó, sed oni planas nuligi ankaŭ tion. Nuntempe oni konstruas aŭtoŝoseon M43 preter la urbo.

Historio [redakti]

La urbo estis loĝata jam en la kuprepoko, de tiu tempo restis kurganoj. En la mezepoko la komunumo profitis de Maros, kie el Transilvanio alvenis salo kaj ligno per floso. Je la fino de la turka erao la setlejo estis senhoma, sed malrapide denove enpopoliĝis. En 1730 ĝi iĝis departementa centro de Csanád. La urbodomo konstruiĝis en 1836. En 1919 ankaŭ ĉi tie estis proklamita la Konsilantara Respubliko. En 1920 la urbo trovis sin apud la nova ŝtatlimo.